CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS TERTIVS Literas M, N, O, P, Q, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

PORTUS Formosus [1] Beauport Gallis, Bahia hermosa Lusitanis, Mossel Bay Belgis; portus est Africae, in Cafreria regione maxime ad austrum, inter sinum sanctae Catharinae ad occasum et sinum sancti Francisci in ortum, 90. leucis Lusitanicis circiter distans a promontorio Bonae Spei in ortum.

PORTUS Formosus [2] Puorto hermoso, portus Americae septentrionalis, in parte meridionali Hispaniolae insulae seu Domnici, cum castro. Extenditur ad aliquot milliaria, et 18. leucis Hispanicis distat a Dominicopoli in occasum.

PORTUS Francisci Draci Puerto di Francisco Drac, portus est maximus Americae septentrionalis, in parte occidentali Californiae insulae, ubi ad Boream tendit versus promontorium Mendocinum. Sic dicitur, quod illuc appulerit celebris ille Argonauta Franciscus Dracus Anglus. dum orbemd terrarum circumnavigaret. estque forsan in illo tractu nova Albion regio, de qua tanta controversia fuit inter scriptores, ut credere est ex plurimis argumentis.

PORTUS Gori vulgo Porto de Goro Portus Italiae, in Ducatu Ferrariensi, seu melius unum ex quatuor ostiis Padi fluvii, ubi per fossam Carbonariam, Podi Ariano dictam, in mare Adriaticum cadit; et 10. mill. pass. distat ab ostio rami praecipui Padi seu portus Vierii in meridiem, sub dominio Summi Pontificis. Ei adiacet tantum turris parva ad eius tutelam.

PORTUS Gratiae vulgo le Haure de Grace, oppidum munitissimum Galliae, cum arce instructissima et portu, in Normannia, et ad ostium Sequanae fluvii, 18. leucis infra Rothomagum in Circium, et 15. a Cadomo in Caeciam, 10. autem a Lexovio in Boream; estque in ora maris Briatannici. Cum arce munitissima. Franciscus I. autem urbem munire caepit, contra Anglorum potentiam: in quorum manus tamen pervenit bello [orig: bellô] civili, sed recepta, A. C. 1563. Vide Thuan. Hist. l. 34.

PORTUS Hannibalis Melius Villanova, teste Vasconcello [orig: Vasconcellô], (sed Floriano et Taraphae est Albor, oppid. vicinum, ubi plura sunt vetustatis vestigia) oppid. Lusitaniae maritimum, apud Sacrum promontorium, a Lacobrica 2. leucis.

PORTUS Herculis [1] Val. Max. Vilia Franca, portus cum arce Liguriae, inter portum Monaeci et Nicaeam urbem, a qua 2. mill. pass. in ortum recedit. Baudrando nunc Monacho dicitur ab omnibus, estque oppidum reunitum cum arce et portu capaci, 6. milliarib. a Ncaea in ortum distans, versus Albium Intemelium totidem. Vide Herculis Monaeci portus: et Portus Monaeci.

PORTUS Herculis [2] alter Strab. Antonin. portus cum oppido in ora Hetruriae, ad montem Argentarium, apud Cosas urbem excisam, a Centum cellis 40. mill. pass. distans, (in medio Graviscae) Porto Ercole, sub Hispanis.

PORTUS Herculis [3] item Plin. l. 3. c. 5. le Formicole, portus Brutiorum, in ora Calabriae ulterioris, apud Tropeam urbem, ab ea 5. mill. pass. in ortum Nicoteram versus. Aliis est Tropea

PORTUS Leonum vulgo Puerto de los Leones portus est Americae meridionalis, in parte orientali Magallanicae regionis prope ostium ifluvii Desaguadero dicit; et 60. leucis Hispanicis a portu Desiderato in Boream distans.

PORTUS Longus Porto Longone, arx munita Italiae in Hetruria et Ilua insula paucis adhinc annis ab Hispanis exstructa e regione Plumbini, a quo 12. mill. pass. distat in meridiem, 54. ab Urbatello in occasum, et totidem a Liburno in meridiem.

PORTUS Ludovici vulgo le Port Lovis, oppid. munitum Galliae, in Britannia minori, alias Blabia dictum, Blavet, ad ostia fluvii Blabiae. Portus gaudet capaci. 10. leucis distat a Dariorigo Venetorum in occasum, et 15. a Corisopito in ortum, in ora Occani Aquitanici.

PORTUS Lunae Strab. Golfo della Spezzia, portus Liguriae maximus, in Hetruriae confinio, apud ostia Macrae. Eius meminit Qu. Ennius apud Pers. Sat. 6. v. 9.

PORTUS Magdalenae vulgo Puerto de la Madalens, portus est Americae septentrionalis, in ora meridionali Californiae insulae, et satis frequentatur ab Hispanis, dum ex Acapulco in Philippinas insulas tendunt.

PORTUS Magnus [1] tergeminus. Plin. l. 5. c. 2. Ptol. unus Hispaniae Baeticae; Almeria, urbs episcopalis sub Archiepiscopo Granatensi, inde 19. leucis recedens, sic ab Almarico Gothorm Rege conditore, seu instauratore, nominata, teste Mariana [orig: Marianâ]. Sunt qui Almeriam Abdaram veterem dictam putant: sed Abdara nunc Adra dicitur; ab Almeria (quae illi in episcopali sede subrogata est) 7. leucis in occasum recedens. haec ab Hispanis anno salutis 1147. eiectis Mauris, recuperata est. Alter, in Mauritania Caesariensi, Marzaquivir, sub Hispanis, apud Quizam seu Auranum urbem, sub eisdem, inter illam ad ortum et Sigam ad occidentem. Tertius; Albionis, in ora Angliae australi, contra Vectim insulam, Portsmouth, teste Lhuydo, apud Hamptonam, et portum Hammonis, vulgo Port Hammon. Erat et Portus Magnus, teste Strabone, in Boeotia, inter Aulidem et Oropum.

PORTUS Magnus [2] Camdeno et aliis est Portesmouth, oppid. Angliae meridionalis, cum portu capaci in ora maris Britannici et Hantoniae provinciae, prope portum Southampton dictum, et contra Vectim insulam.

PORTUS Mauritius Porto Moriso. oppid. orae Ligusticae, inter Albingaunum ad ortum 19. et Tabiam oppid. ad occasum 22. mill. pass. Oneliae oppido propinquum, 2. milliar. distans. Baudrando, oppid. est Italiae, in ora occidentali Liguriae, satis cultum et lepidum, in colle. prope Oneliam, et medium inter Savonam, ad Caeciam, et Nicaeam ad occasum, 36. mill. pass. utrinque distans, sed portu caret, subestque dominio Rei publicae Genuensis.