December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed
06/2005 Peter Stroebel markup
semi-automatic lemma-correction
05/2006; 06/2008; 06/2010; 12/2010; 02/2011 Antonio Javier Ortiz Cano; Reinhard Gruhl markup
largely revised


image: as0001

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS TERTIVS Literas M, N, O, P, Q, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.



image: as0002

[gap: blank space]

image: as0003

[gap: illustration]

image: s0890b

PRETIUM apud Papinianum, l. Responsor. tit. 3. in LL. Luitprandi R. Longob. tit. 60. §. 1. alibique passim, compositro seu molcta est pecuniaria homini imposita, qui alterum occiderat, secundum eius aestimationem seu secundum eius natales. Alia enim erat Presbyteri aut Viri nobilis, alia servi aut hominis inferioris, aestimatio ac Pretium, Pretium Nativitatis dicitur, in Anglicanis. Unde Natus ad 4. vel 14. libras dicitur is, cuius pretium nativitatis est totidem librarum, in LL. Henrici l. c. 74. et 76. Vide Car. du Fresne Glossar. ubi etiam de Pretio Nuptiali seu Uxoris, in LL. Burgund. i. e. dote; de Pretio Regio, seu iure, quod Regi et Domino competit, res promercales comparandi certo [orig: certô] et definito [orig: definitô] pretio [orig: pretiô]: de Pretio Sepulchri, apud Hibernos, quod ex bonis mobilibus defuncti cedebat Ecclesiae, in qua humabatur: vacca nempe, equus, vestimentum et ornamentum lecti etc. varia habes. addo saltem, pretium hominis Saxonibus Weram item Weregildum dictam, et quidem apud eos, Anglosque, ut et alias nationes Septentrionales, Nobilis seu Thaini aestimationem 20. libr. villani 100. solidorum fuisse etc. Vide eundem, voce Wera, ut et infra in Thrymsa.

PRIAESUS urbs Cretae. Steph.

PRIAMUS [1] Laomedontis fil. qui, Ilio [orig: Iliô] ab Hercule everso, una cum Hesione sorore in Graeciam abductus est captivus. Postea tamen, auro [orig: aurô] redemptus. Ilion instauravit simul et exornavit, regnique limites usque adeo protulit, ut non solum Troiae, sed totius fere Asiae Rex videretur. Felix 50. filiis pater: quorum 17. vel secundum Homer. 19. ex iusta [orig: iustâ] uxore (Hecuba [orig: Hecubâ] scil. Cissei Thraciae Regis filia [orig: filiâ] ) ceteros ex pellicibus habuit. Nomen ei ab eventu inditum, quod puer ab Hercule captus, quro [orig: qurô] redemptus fuisset: *pri/amai siquidem emo significat. Etymologus: *pri/amos2 e)k tou= pri/w, to\ pwlw=, th=s2 o)nomasi/as2 tau/ths2 e)/tuxe. Antea Podarces dictus fuit, teste Lycophrone. In bello Troiano vidit filios suos fere omnes ab hostibus interfectos. Tandem capto [orig: captô] Ilio [orig: Iliô] et ipse a Pyrrho achillis filio occisus est prope aram Iovis Hercei, in sanguine filii. An. regni 40. Virg. l. 2. Aen. Horatio dives Priamus dicitur Carm. l. 1. Od. 10. v. 14. quia divites aurarias, vel aurugas, sive auri venas habuit iuxta Abydum. Strabo, l. 14. *(o de\ *pria/mou plou=tos2 e)k tou= e)n *)astu/rois2 peri\ *)/abudon xrusei/wn meta/llwn. Ovid. l. 3. de Arte. v. 441.

---- ---- Troia maneret,
Praeceptis Priami si foret usa senis.

Cicer. l. 1. Tuscul. Priamum tota [orig: totâ] progenie orbatum, quum ad aram confugisset, hostilis manus interemit. Seneca in Troade, Actu 1. v. 54.

---- Ille tot Regum parens,
Caret sepulcro [orig: sepulcrô] Priamus, et flamma [orig: flammâ] indiget,
Ardente Troia [orig: Troiâ]. ---- ----

Virg. Aen. l. 2. v. 554.

Haec finis Priami fatorum: hic exitus illum
Sorte tulit, Troiam incensam, et prolapsa videntem
Pergama; tot quondam populis, terrisque superbum
Regnatorem Asiae: Iacet ingens litore truncus:
Avulsumque humeris caput, et sine nomine corpus.

Unde Manil. l. 4.

---- Priamumque in litore truncum.

Seneca Tragoedus, Troad. Actu 1. v. 141.

Sigaea premit litora truncus.

Ennius maiori ludibrio semiassum ait; sic enim ille in Andromache:

O pater, o [orig: ô] patriae, o [orig: ô] Priami domus,
Septum altisono [orig: altisonô] cardine templum,
Vidi ego te adstante ope barbarica [orig: barbaricâ]
Tectis caelatis laqueatis
Auro [orig: Aurô], ebore instructum regifice;
Haec omnia vidi inslammarier,
Priamo vi vitam evitarier,
Iovis aram sanguine turparier.
Heu relliquias semiassi regis, denudatis ossibus,
Per terr am sanie delibutam, foede divexarier.

Eius imperium, quibus olim finibus terminaretur, ex Homero Geographus ostendit, in haec verba, l. 13. *(o *poihth\s2 a)po\ tou= peri\ *)/aswpon to/pwn kai\ tw=n peri\ to\n nu=n *kuzikinh\n xw/ran u(pagoreu/ei ma/lista tou\s2 *trw=as2 a)/rcai me/xoi tou= *kaikou potamou=, dih|rhme/nous2 kata\ dunastei/as2 ei)s2 o)ktw\ meri/das2, h)/ kai\ enne/a. Virg, l. 12. Aen. v. 545.

---- Nec Priami regnorum eversor Achilles.

Propert. l. 2. El. 28. v. 54.

Et Phoebi et priami diruta regna senis.

Idem, l. 4. El. 1. v. 52.

Longaevum ad Priami vera fuere [orig: fuêre] caput.

Quinctus Ennius.

Cum veter occubuit Priamus sub Marte Pelasgo.

Nic. Lloyd.

PRIAMUS [2] cognaen Gordiani Iunioris apud Iul. Capitolin. in Vita eius, c. 19. Mulierum cupidissimus: habuisse enim decretas sibi concubinas XX. et II. fertur. Ex quibus omnibus ternos et quaternos filios reliquit; Appellatusque est Priamus sui temporis, quem vulgo iocantes, quod esset naturae propensioris, Priapum non Priamum saepe vocitarunt [orig: vocitârunt] . Datum nempe ei id cognomen est, ob multitudinem liberorum, qua [orig: quâ] celebris apud Homerum aliosque Poetas, Priamus fertur.

PRIANTES apud Solin. c. 10. in veterib. editionibus, ut et apud Plinium; l. 4. c. 11. populi Thraciae, qui Herodoto *bri/antes2. Vide Briantae.