CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS QVARTVS Literas R, S, T, V, X, Y, Z, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

RARUNGAE populi Indiae, montium accolae et perpetuo [orig: perpetuô] tractu orae Oceani obtenti, Plin. l. 6. c. 20.

RAS Rabbenu Ascher, e Germania Toletum venit, ibique composuit Aschare in Thalmud, it. Quaestiones et Responsiones, dictas Teschuvot Ras, 8. filiorum itidem clarorum pater, qui tamen omnes interierunt, solo [orig: solô] Rabbi Iahakob, qui in Germania remansit, superstite, anno [orig: annô] 130. Millen. VI. iuxta Rabbi Ganz. Ex eius dictis collegerunt discipuli illius librum A. godah, ut videre est in Schalschelet Kabala p. 68.

RASA Vestis pexae opposita, dicebatur olim recens sine villis, quales ex lana Istrica et Liburnica; quae pilo propior, confieri solebant. Plin. l. 8. c. 48. Istriae ac Liburniae lanam pilo propiorem, quam lanae et ideo pexis vestibus alenam et quam sola Ars scutulato [orig: scutulatô] textu commendat in Lusitania. Ubi obiter notandum, scutulas in vestibus quadraturas fuisse ad instar plagarum, quibus retia distinguuntur, contextas, quae proin ex lana villosa haudquaquam poterant texit, quod villorum densitate textura et artificium operiretur: cum contra in lana pilo propiore scutulatus textus, non impedientibus villis, facile appareret. Istiusmodi itaque Rasae vestes, postquam usu obsolevere [orig: obsolevêre], ut idem Plinius habet, colorem quidem amittebant, sed si tingerentur, recipiebant denuo et interpolabantur novaque videbantur, nihil enim praeter colorem amittebant, filorum texturam, sive veteres, sive recentes essent, facile ostentantes: secus in pexis, ubi detrita semel sila reparari non poterant. Meminit Rasae vestis Iuvenalis, Sat. 2. v. 97.

Martialis item. ubi Togam rasam aestati iudicat aptiorem, l. 8. Epigr. 85. v. 3.

Dona quod aestatis misi tibi, mense Decembri,
Si quereris, rasam tu mihi mitte Togam.

Alibi videtus levem appellare, l. 7. Epigr. 85 v. 8. nisi tenui filo [orig: filô] intelligat, ideoque pretiosam, vide Octav. Ferrarium de Re Vesttar. l. 1. c. 17. Plinius, l. 8. c. 48. Togas rasas Phrygianasque D. Augusti novissimis temporibus coepisse, dum scribit: Turnebus Phryxianas legit, sicque sictas vult, quod Phryxaei velleris crispos et eminentes villos imitarentur, quas proin cum spissis coniungit Seneca, de Benef. l. 1. c. 3. Hi oppositae rasae fuerunt, id est, minime villosae: quemadmodum spissis rallae. Vide eundem Ferrarium, l. 2. c. 11. Aliquando tamen Rasae pro rallis sumuntur, apud Auctores, ut visum supra in voce Ralla. Sed et sericae vestis speciem hoc [orig: hôc] nomine venire infra videbimus, ubi de Serica veste.

RASALINAE locus in finibus Damasci, ubi Sanguinus, iuratus quondam Christianorum hostis, castrametatus est; in tribu Aser. Tyr. l. 15. bell. sacri, c. 8.

RASARIUS Ioh. Baptista Navarrus, Philosophus et Medicus insignis, iam iuvenis innotuit Philippo II. ad patrem in Belgium tendenti. Venetiis Eloquentiam docuit, ut et Patavii, Conimbricam invitatus a dicto Rege, obiit A. C. 1578. aetat. 60. Censorio [orig: Censoriô] funere elatus, in aegros, quibus gratis medebatur, et pauperes largus: Edidit Orationem de Victoria ad Echinadas, vertit Georg. Pachymerem, Ammonium, Oribasium etc. Ant. Teissier Elog. Part. I.

RASBOURG seu RASBURG nomen illustris in Suecia Familiae, Comitiva [orig: Comitivâ] dignitate illustris, quae levenhauptiae stirpis ramus est. In hac enim cum Steno, frater Margaretae Reginae, (Gustavi I. Regis uxoris) ab Erico iam iam solio [orig: soliô] deturbando occisus esset, in liberorum solatium, a Ioanne Rege, Comes de Rasborg et Graffsnaes creatus est; cuius filius Falckensteniam coniugem nactus, novis titulis bonisque gentem auxit. Vide supra in Levenhauptia Fam. et Phil. Iac. Spenerum Theatro Nobilit. Europeae Parr. III. p. 37. nec non Arte Herald. Tom. II.

RASCIA pars regni Hungariae late sumpti; a fluv. Rasca, qui per eam in Moravam influit; regio est Septentrional. Serviae;alias sub suis Regibus. Ibi Alba Graeca, Semendria et Columba Urbes praecipuae. Sub Turcis tota.

RASCIPOLIS ducentorum Equitum, Macedonicorum, Pompeio auxilio missorum, Dux. Caesar, l. 3. Bell. Civ. c. 4.

RASDI Dea olim Hungarorum: De iis enim Io. Tuwroczius Chron. Hungar. Parte 2. c. 39. refert, ut Ianus, filius Vathae, de castro Beli, qui primus Hungarorum Daemoniis se dedicarat [orig: dedicârat], pro Dea coluerit Rasdi, quae rapta a Christiano Rege Bela carcereque conclusa fuit, usque dum proprios comedens pedes moreretur. Sed Rasdi quam hic vocat, eam Anton. Bonfinius, Rer. Hungar. l. 12. Varasolo appellat. Vide Gerh. Io. Vossium, de Idolol. l. 3. c. 17.

RASEBURGUM urbs Nylandiae, in Finlandia, in ora Sinus Finnici, cum portu capaci, in limite Finlandiae meridionalis.

RASILINE i. e. caput aquae, locus haud procul Tiberiade, ubi Saladinus aliquot diebus castra fixit.

RASIS [1] rex Syriae. 2. Reg. c. 16. v. 5. Latine voluntas, vel voluntarius, aut cursor, sive veredarius.

RASIS [2] dictus Almansor, seu Alubette Arazi, fil. Zachariae, genere Arabs, institutione et educatione Africanus, Philosophorum et Medicorum surtemporis facile princeps. A. C. 950. Scripsit egregia quaedam, inter quae Continens eminet, in quo, quidquid alibi usquam dixit, est complexus. Idem, in gratiam Miramamolini Balharabi, historiam Hispanic. condidit. Paschalis Gallus, in Biblioth. Med. Castellanus, in vitis Medic. Alb. Miraeus, in Auctar. de Scriptor. Eccl. c. 288. Gesnerus in Biblioth.