CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS QVARTVS Literas R, S, T, V, X, Y, Z, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

ROSMADECCIA Familia inter Galliae illustres. Floret illa in Britannia Armorica, quam aliqui a Comitibus de Crozon, ac ita interioris Britanniae Principibus; alii a Guilielmi de Rostrenam, Connestabilis Franciae A. C. 840. filio, qui antiquioris domus de Rosmadec heredem duxerit et nomen assumpserit, deducunt. A Rivalone Equite A. C. 1191. series continua ostendi potest. Linearum diversarum primordia concurrunt, in Ioanne III. Dn. de Rosmadec, mortuo A. C. 1515. Huius enim filius Ioannes Dominos du Plessis, nunc quoque superstites sevit. Maior autem frater, Alanus Baro de Molac, iterum communis pater est Baronum de Gael, de S. Iovan, et de Compes; ex filio Claudio, inprimis autem, ex filio primogenito Tanaquile Marchionum de Rosmadec et Molac, Comit. de Chappelles et de Crozon; quorum series ab aliquot saeculis haec est. Ioannes III. praefatus, qui obiit A. C. 1515. ex Ioanna (filia Alani Dn. de la Chapelle et Molac ) pater fuit Alani II. Dn. de Rosmadec, qui obiit A. C. 1560. relicto [orig: relictô] ex Ioanna du Chastel, filio Tanaquile Dn. de Rosmadec, Barone de Molac, defuncto [orig: defunctô] A. C. 1574. Hoc [orig: Hôc] et Margareta [orig: Margaretâ] de Beaumanoir, genitus Sebastianus I. Marchio de Rosmadec, decessit A. C. 1613. pater ex Francisca Montmorantia, Sebastiani II. qui iunxit sibi Renatam, de Kercoent Dn. de Kergournadec, atque ex ea suscepit Sebastianum III. (cuius uxor Renata filia Ivonis de Budes, Baronis de Sace, ducta A. C. 1655.) Bartholomaeum Renatum Comitem de Chappelles (natum A. C. 1635.) Ludovicum Corentinum (natum A. C. 1636.) Mariam Annam et Mariam Renatam omnes nominis de Rosmadec. Vide Philippum Iacobum Spenerum, Theat. Nobil. Europ. Part. I. p. 154.

ROSMARINUS libanwti\s2 est coronaria Veterum Salmasio ad Solin. p. 405. Aliquando Ros simpliciter, ut apud Ovidium, Fast. l. 4. v. 440.

Parvos coronatantem mavino [orig: mavinô]
Rore Deos, fragilique myrto [orig: myrtô],

Carm. l. 3. Od. 23. v. 15. ubi myrto illum iungit. Alias floribus vernis omnium lectissimis miscebatur. Idem Ovid. Metamorph. l. 12. v. 410.

Ut modo rore matis, modo se violave rosave
Implicet, interdum canentia lilia gestet.

Pindarus quoque secundum nonnullos lilio miscet Nem. Od. 7. cum ait, Musam plectere coronam Olympicam, cui

*kolla=| xruso\n, e)/n te xalko\n, e)le/fanq' a(/ma,
*kai\ lei/rion a)/nqemon pontias2 u(filoi=s) e)e/rshs2.
Glutinat aurum, aesque, ebutque simul,
Et lilium floridum a marino avulsum rore.

Sed hic [orig: hîc] rorem marinum, non pro flore coronario, sed pro corallio, quod in imo maris nascitur, accipiendum, monet Car. Paschalius, Coronarum l. 6. c. 20. Vide plura hanc in rem, apud Plin. l. 24. c. 11.

ROSOLEA Panormitana Sancta apud Dominic. Macrum in Hierolex. Vide quoque infra Ruriacia.

ROSOMACHA hyaenae species Selavis, in Septentrione frequens, Suecis Ierf, Germanis Wilfra, de qua sic Olaus: Petuntur, inquit, a veneatoribus, pellis solum gratia [orig: gratiâ], quae apud nobiles et ditissimos ad vestimenta in pretio est, utpote splendidis et florum instar distincta coloribus, quales in Damascena veste spectantur. Item, candet fusca [orig: fuscâ] nigredine, instar panni Damasceni, diversis ornata figuris. Cuiusmodi colorum varietas et mixtura quoque est in ginetta animali in Hispania vulpis magnitudine, de quo Cardanus, Pelle varia [orig: variâ] est et nigro ac cinereo alternantibus maculis distincta. Et Scaliger, Admirabili pulchritudine est. Macularum crebritas, ordo, vegetus splendor nulli cedit. Unde ginettam, vel iinettam, vel hyaenettam dici vult Salmas. quasi hyaenulam u(pokoristikw=s2, quia utrumque animal similibus maculis pellem habet variegatam. Certe de hyaena, quam propterea stikth\n, i. e. maculosam appellat, ita Oppianus, Cynegeitc w= n l. 3.

---- e)/r)r(aptai de/mas2 ai)no\n,
*kuane/ais2 e(ka/terqen e)pi\ trima taini/aisin.
------ cutis horrida corpore toto [orig: totô]
Caeruleis dense conspergitur undique vittis.

Vide Sam. Bochart. Hieroz. Parte prior l. 3. c. 11. praeter alios qui de Animalibus scripserunt.

ROSSA urbs Lageniae, in Vexfordiensi Comitatu Hiberniae ad Pirgum fluv. olim ampla, nunc raros habet incolas, 17. mill. pass. ab ora littorali maris Verginii in Boream, 20. a Vexfordia in Occasum.

ROSSAEUS Alexander Anglus. Eius exstant, Virgilius Christianizans, *panse/beia, Mystagogus Poeticus, etc. Floruit nostro [orig: nostrô] saeculo [orig: saeculô].

ROSSIA [1] provinc. ampla Scotiae Borealis, sub qua Armanothia et Assinus Comitatus. Habet a Septentrione Naverniam et Sutherlandiam, a Meridie Abriam et Moraviam, ab Ortu mare Germanic. ab Occasu Hibernicum, Eius urbes praecipuae Chanonricum et Cromartium, in parte Orientali.