CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS QVARTVS Literas R, S, T, V, X, Y, Z, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

RUPIFULCAUDIA Familia sive de la Rochefoucaut, antiquissima inter ilustres Galliae familias, in qua memoratur Fulco A. C. 1026. Saeculo [orig: Saeculô] XIV. Emericus III. Guidonis et Raymundi pater fuit; quorum hic Dominus de Vertueil genuit Ioannem Dn. de Barbesieux, cuius filia Maria; adgnato Ioanni nupta, huic hereditatem attulit. Ille (Guido) ex Margareta Craonia herede, pater erat Fulconis et Aymari; cuius posterioris filia Ioanna dommium de Montbason attulit marito, Ioanni du fou, a quo ad Rohaneos delapsum est. Nova divisio coepit, cum Fulconis nepos Franciscum II. Antonium et Ludovicum genuisset. A Ludovico descendunt Barones de Montendre; ab Antonio Domini de Barbesieux et de Chaumont. Franciscus autem primogenitus, ex filiorum altero Francisco III. reliquos Comites (qui nunc Ducati dignitate aucti) de la Rochefoucaut, nec non Comites de Roucy; ex altero Carolo Comites de Randan prosevit. Vide iterum Spenerum, Theatro [orig: Theatrô] supra cit. Part. 2. in Ind. ubi Familiae dispositionem, et Part. 3. p. 77. ubi hanc Rupifulcaudiorum seriem exhibet. Franciscus Comes de la Rochefoucauld, ex Silvia Pica (filia Galeotti Comitis Mirandulae) genuit Franciscum, qui decessit A. C. 1591. Pater ex Claudia d Estissac k, Francisci I. Ducis, defuncti A. C. 1650. Hoc [orig: Hôc] et Gabrielide du Plessis de Liencourt, genitus Franciscus II. iunxit sibi Andream de Vivonne; atque ex ea suscepit Franciscum de la Rochefoucaud, Principem de Marsillac, maritum Ioannae Carolae du Plessis Liencourt (filiae Henrici du Plessis Liencourt Comitis de la Rocheguyon ) et ex ea patrem Francisci Comitis de la Rocheguyon, nominis de la Rochefoucauld.

RUPILIA Faustina Rupilli Boni Consularis filia, avia paterna Marci Antonini Philosophi, memoratur Iul. Capitolino, in Vita huius Imperatoris; c. 1 fuit autem Rupilius hic et nomine et cognomine homo obscurus, forte Consul suffectus, aut saltem Consularibus ornamentis honoratus, Casaubono Not. ad Capitolm.

RUPIPOZAEI Gall. de la Rochepozay, in eodem Regno, illustris Familiae nomen est; Ramus haec stirpis Castaneae, sive Chasteigners. Cum enim saeculo [orig: saeculô] XII. Theobaldus tres filios genuisset, Theobildum, Ioannem et Wilhelmum; primus auctor fuit Dominorum de la Chasteigneraye, alter Dominorum de la Meilleraye et Reaumur: tertius Dominorum du Brevil de Challans. Quorum medium quod concernit, is denuo in tres palmites excrevit: quorum tertius Dominorum de Reaumur proxime elapso [orig: elapsô] saeculo [orig: saeculô] exaruit; nec non alter Dominorum de Avaux. Praecipuus vero fuit Dominorum de S. George de Rexe; e quibus descendunt Domini de Verger, de Andunville, de la Gabillere. des Tousches: Primogeniti vero sunt, Domini de la Rochepozay atque de Abain; post quos Comites de Chinsie. Illorum haec series: Petrus Chasteigner Dn. de la Rochepozay, qui obiit A. C. 1474. pater fuit, ex Ioanna de Vareze, Guidonis Castanei, defuncti A. C. 1506. Hoc [orig: Hôc] et Magdalenå Puteana [orig: Puteanâ], genitus Ioannes Castaneus III. Dn. de la Rochepozay, obiit A. C. 1567. relicto [orig: relictô] ex Claudia de Montleon Dna de Touffu et Tamond, Ludovico [orig: Ludovicô] Castaneo [orig: Castaneô] de Abain. Barone de Malval et Preutlly, desuncto [orig: desunctô] A. C. 1595. Ei Claudia Puteana genuit Ioannem Castaneum IV. Dn. de la Rochepozay Baronem de previlly et Malval (fratrem Henrici Ludovici Castanei doctissimi Episcopi Pictaviensis) qui ex Diana de Fonseque genuit Carolum Dn. de Rochepozay et Abain (natum A. C. 1608.) Ludovicum (natum A. C. 1613.) Abbatem de Beauport Ioannem (defunctum A. C. 1615.) Annam (natam A. C. 1623.) Mariam, Mariam Luciam et Dianam, omnes nominis et familia Castanea Rupipozaeae, vide eundem Spenerum, Part. 2 Theatri, p. 33.

RUPITANI seu Rupitae, contemptim ab Augustino appellati sunt Donatistae, qui Romae morabantur, lib. de Unit. Eccles. 3. et de Haeresibus c. 69. quod in rupibus et montibus (unde iidem Montenses quoque) conventicula sua haberent. Vide supra Montani.

RUPS in nummis Henorii et Iohannis, Ravennae pecunia signata, notat, Car. du Fresne Dissertatione de infer. aevi Numismatibus.

RUPTARII seu RUPTURARII apud Gallos (qui eos Roturiers vocant) homines sunt ignobiles ac obnoxiae conditionis, cuiusmodi sunt coloni ac rustici, quibus viri Nobiles ac ingenui opponuntur: Rupturarius enim proprie colonus, apud medii aevi Scriptores, quod agrum seu terram rumpit, proscindit, colit: Postmodum Ruptarii quoque dicti sunt praedones quidam sub XI. saeculum, ex rusticis potissimum collecti ac conflati, qui provincias populabantur et interdum Principum militiae se addicebant. Matthaeus Paris. A. C. 1250. Ubi est ille ruptarius percussor impius --- In civitate igitur occubuit Oliverius de Termes, cum suis omnibus, quos Ruptarios vocamus, pugnatoribus etc. Eorum cohors Rupta, apud Guil. Britonem Philipp. l. 5. p. 152.

Unde hodieque Ruta, vulgo [orig: vulgô] Route, Gallis usurpatur, pro quavis turma militari, qua de voce agit Nicetas Choniates in Balduino. num. 5. et qui hunc laudat, Car. du Fresne in Glossar. ut et ad Villbarduinum. Vide quoque supra Compagnia, Coterellus, et infra in Rutta.