December 2004 Ruediger Niehl markup
typed text - structural tagging complete - no semantic tagging - no spell check - orthographical standardization performed
06/2005 Peter Stroebel markup
semi-automatic lemma-correction
05/2006; 06/2008; 06/2010; 12/2010; 02/2011 Antonio Javier Ortiz Cano; Reinhard Gruhl markup
largely revised

image: as0001

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS QVARTVS Literas R, S, T, V, X, Y, Z, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.


image: as0002

[gap: blank space]
image: s0001

[gap: illustration]
image: s0110b

RUTLANDIA provinc. parva Angliae, inter Licestriam ad Occasum, Lincolniam ad Ortum, et Northantoniam ad Meridiem. Ibi tantum castrum Oukam.

RUTRUM non idem cum rastro, ut plurimis visum. Cato, c. 11. RR. rutra, rastri quadridentes. Graece skapa/nh vel ska/fion. Festum, Rutrum tenentis iuvenis est effigies, in Capitolio, ephebi more harenam ruentis exercitationis gratia [orig: gratiâ]. In quo athletico exercitio Graeci Auctores skapa/nhn dicunt. Pomponius apud Nonium.

Sarculum hinc illo profectus, illinc rediisti rutrum.

Elegans versiculus de homine a)proko/pw| et cui res retro currunt. Cum hinc profectus es, dicere vult, segetes tuae iam in herba erant, et sarculum spectabant: ac cum illinc rediisti, ad rutrum tibi res rediit et ad carceres revocatus es, iam metae cum esses propinquus. Rutro [orig: Rutrô] enim terram vertere primum est; tum sementem iacere; deinde occare, quod rastro [orig: rastrô] fieri solcet, postea sarrire. Interim, utut rastri eradendae potius terrae et poliendae, quam fodiendae et eruendae, facti sint; Auctores tamen plurimi pro fossorio instrumento passim ponunt, uti supra vidimus. plura apud Salmas. ad Solin. p. 515.

RUTTIS Silva apud Traiectum ad Mosam.

RUTUBA fluv. Liguriae ex Apennino monte in mare Ligusticum descendens, vulgo la Rotta. Eius meminit Lucan. l. 2. v. 421.

Dexteriora petens montis declivia Tybrim
Unda facit, Rutubamque cavam. ----

RUTUBIS fluv. Mauritaniae Tingitaniae. Vide Rulibis.

RUTULI [1] Latii popul. quorum Ardea metropolis fuit: Strabo, Plin. l. 3. c. 5. Liv. l. 1. c. 2. et 57. Virg. l. 10. Aen. v. 108.

Tros Rutulusne fuat, nullo [orig: nullô] discrimine habebo.

RUTULI [2] in Amphitheatris apud Romanos, clathri erant, seu lignea repagula versatilia, quibus ferae assilientes excutiebantur. Vide supra in voce Rutellum. Alias Rutulus idem, quod Rotulus, de qua voce itidem retro diximus.

RUTUNIUM quod Routon adhuc teste Camdeno [orig: Camdenô], oppid. Angliae in comitatu Salopiensi. Antonin.

RUTUPAE *(routou/piai Ptolemaeo, Repchestre Lhuydo, Richborow Talboto et Camdeno; portus et oppid. Albionis in ora Angliae excisum apud Sandovicum protum et oppidum. Hind Rutupinus. Lucan. l. 6. v. 65.

---- Veluti mediis qui tutus in arvis
Sicaniae, rapidum nescit latrare Pelorum:
Aut vaga cum Tethys, Rutupinaque litora fervent.
Unda Caledonios fallit turbata Britannos.

Iuvenal. Sat. 4. v. 141.

---- Circaeis nata forent, an
Lucrinum ad saxum, Rutupinove edita sunde
Ostrea. ---- ----

Ausonius, in Catalogo Urb. n. 7. v. 9.

Punisti [orig: Punîsti] Ausonio Rutupinum Marte latronem.

Vide Guil. Burtonium, ad Antoninum, p. 20. etc. Nic. Lloyd.

RYFFIUS Petrus Basiliensis, e Tribunitia Familia, fil. Danielis Senioris, Medicus peritus, Mathematicus insignis, Artium harum in Academia patria Professor, in usum Studiosorum, varii Ingenii sui monumenta luci dedit: exstinctus A. C. 1629. aetat. 77. Paul. Freherus, Theatro [orig: Theatrô] Virorum eruditione clarorum.

RYPHAEI vide RIPHAEI

RYSSADIRUM Mauritaniae Tingitanae urbs ad mare Ibericum. Ptol. Deyrat Milila incolis, teste Marmolio [orig: Marmoliô] .

RYSSADIUM Libyae promontor. Ptol. Capo de Verde Nigro. Baudrando Capo de Riogrande, in Nigritia, inter Arsinarium promontor. in Circium et Hesperi Cornu in Eurum, prope ramum Nigri fluv. Rio grande dictum.

RYTHMICI Versus melius Rhythmici, vide supra ubi de Rhythreis, ut et in vocibus Leonini et Politici versus.

RZECICA oppid. amplum Lithuaniae, caput tractus cognominis ad Borysthenem. 10. leuc. Polonic. a Rohaczovia in Merid. 14. a Zernihovia in Occasum.

RZEHORZ Gregorius vide Gregorius.