CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS QVARTVS Literas R, S, T, V, X, Y, Z, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

THALAMA nomen urbis, Xenoph. *(ellhn. l. 7. *)apokekroutme/nois2 a)po\ tw=n qala/mwn. Lege cum *q maiusculo. Est enim urbis proprium, de qua Polyb. l. 4. et Eust. Odyss. e.

THALAMAE urbs Messeniae, Pasiphaes templo [orig: templô] et oraculo [orig: oraculô] nobilis. Plut. in Agide. Basilipotamo Nigro. Calamata Gemisto. An Theramne Plinii et Therapne Solini?

THALAMEGOS apud Sueton. Iulio, c. 52. cum qua (Cleopatra) et convivia in primam luccm saeve protraxit, et eadem [orig: eâdem] nave thalamego paene Aethiopia [orig: Aethiopiâ] tenus Aegyptum penetravit: Graeca vox est, para\ to\ a)/gein to\n qa/lamon, quod cubiculum serret dicta, Cubiculata hinc Senecae, item Lusoria, l. 7. de Benefic. c. 20. quod voluptati solum et oblectationi inserviret. Cuiusmodi naves parata habebant Aegyptii Reges DCCC. ut videre est apud Appianum, Prooemio. Similes, si usum spectes, veterum Gallorum paradae sunt, de quibus Ausonius et Sidonius. Item illa Neronis, de qua Plut. peri\ a)orghs2. Gripus Rudente,

Post animi causa [orig: causâ] mihi navem faciam, imitabor Stratonicum,
Oppida circumvectabor etc.

Inprimis vero celebris fuit Thalamegos, navis a Philopatore aedificata, qua [orig: quâ] voluptatis gratia [orig: gratiâ] cum uxote et liberis per Nilum veheretur. Eius longitudo fuit dimidii stadii, h. e. pedum 312. latitudo maior quam cubitorum 30. altitudo cum tabernacnli subrecto fastigio, parum a 40. cubitis aberat. Figura [orig: Figurâ] nec longas naves imitabatur, nec rotundas, sed ab illis diversa, pro usus commoditate et altitudine fluvii: inferne quidem ad carinam lata et humilis, at eius summae partes pracipue ad proram, multum extendebantur: duplex prora, duplexque puppis. In alvo media, cenationes erant et constructa cubicula: in ambitu navis, duplex deambulatio, non minore circuitu, quam iugerum quinque et Inferioris quidem humoque propioris species ac dispositio portui similis, quam columnae sustivebant: superior autem et a terra distantior, camerata, fenestris fenestrarumque inter sepimentis undique circumdata. Vestibula ambulationum ex ebore aliave materia pretiosissima. His adiuncta fuit domus, uno [orig: unô] tantum columnarum ordine circum vallata, quae lectos 20. capiebat, maxima [orig: maximâ] aedificii parte e cedro fissili materiata cupressoque Milesia: Fores ex assamentis thyinis coagmentatae, cum eburneis ornamentis; in quarum fronte clavis ostiorumque marculis et annulis, ex aere rubro conflatis, color aureus igne adscitus est. Columnarum scapi e cupresso; capitula operis Corinthiaci, auro [orig: aurô] et ebore ornata; epistylium (trabs est columnarum eapitulis im posita) totum aureum, cui diasosma seu praecmctio aptata, cum insignibus animantium imagunculis eburneis, cubito [orig: cubitô] maioribus, artificii mediocris, sed numero [orig: numerô] materio [orig: materiô] que admirandis. Coentaioni tectum superstabat elegans, e cupressi ligno, cum variis ornamentis sculptis, inaurata [orig: inauratâ] superficie. Inde dormitorium cubiculum cum tectis quinque, cui coniunctus fuit angustus canalis, in latum per navis alveum distentus, mulierum conclave dirimens, in quo cenaculum fuit cum lectis novem, sumptu et magnificentia [orig: magnificentiâ] par maiori ac cubiculum cum lectis quinque. Atque ad primum usque tectum haec ita disposita fuerunt. In scalas vero cubiculo vicinas ubi ascendisses, alia domus apparebat, instructa quinque lectis, convexa [orig: convexâ] tecti summitate, figura [orig: figurâ] rhombo simili: et propeipsam, aedes Veneris camerata, in testudinis rotundum fastigium desinente cacumine, in qua marmorea Divae statua. E regione huius domus aliud erat cenaculum sumptuosum, uno [orig: unô] columnarum ordine circumseptum, columnis constructis e lapide Iudaico: cui propinqua cubicula iis, quae antea declaravimus, ornatu simili respondebant. In proram euntibus Bacchica domus subiacebat, uno [orig: unô] columnarum ordine cincta, inauratis suggrundiis, sive tecti prominentiis, usque ad epistylia circumdata. Tecti fabrica eadem, quae et Veneris aesis: ad dextrum latus antrum effossum fuit, eo [orig: eô] prorsus colore, qui videtur in lapideo caementitioque opere, ex variis lapidibus atque auro [orig: aurô] confectum. In eo regiae stirpis ac cognationis imagines collocatae, ex lychnitide arbore. Fuit et alia cenatio perquam amoena, super maximae domus tecto posito, ordine et forma [orig: formâ] tentorii: Adverso [orig: Adversô] flumine cum navigabatur, aulaea in ea expandebantur purpurea. Cenationem excipiebat locus dialis, cuius in superiore parte navis ea collocatio fuit, quae subiectae prostadis seu viae, quae a porticu in Gynaeceum ducebat. Hinc vicina scala tortilis, quaead occultam ambulationem tendebat et cenationem novem lectis instructam, sabrica [orig: sabricâ] Aegyptiaca [orig: Aegyptiacâ]. Nam teretes quae illic columnae fuere [orig: fuêre], vertebratis scalpturis differebant, candidae vicissim ac nigrae. Rotunda in illis forma capitulorum totaque circumscriptio rosis aliquantulum dehiscentibus similis. Circa partem, quam calathum vocant, nullae volutae fuerunt, quemadmodum in Graecis: crassa nulla folia, sed loti fluviatilis calyces et palmae nuper germinantis fructus. In quibusdam aliorum florum multua genera exsculpta. quod autem radici capituli suberat, nempe quod vertebrae iungenti cum scapo insidebat, ciboriorum, h. e. fabae Aegyptiacae, floribus et veluti complicatis foliis caelatum erat: Sie enim Aegyptii parietes construebant et ornabant, quos nigris lateribus et albis variabant, interdum etiam lapide, quem alabastritem vocant. Aedificia quoque multa, alia in media mole alvi navis et in cunctis eius partibus fuere [orig: fuêre]: Malus cubitorum 90. velum byssinum, i. e. e tenuissimo lino, purpureis funibus ornatum. Vide Adam. Preyelium, Sinae et Europae c. 25. ubi et aliam ab eodem Philopatore navem exstructam pluribus persequitur. De Thalamegis hodiernarum gentium, Sinensium inprimis, supra aliquid, ubi de Navibus. Addam hoc unum, quod vocem nonnulli, quasi qa/lamon me/gan, Thalamum, seu Cubiculum, seu Palatium magnum, appellatam malint. Namque: halami nomine domus quoque magnificas et palatia venire, notum.