CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS QVARTVS Literas R, S, T, V, X, Y, Z, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

THRASEAS [1] vel Thrasius Augur, qui in summa siccitate Busirim Aegypti tyrannum adiens, ostendit a superis posse exorari pluviam, si Iovi hospites immolaret. Quaerente deinde tyranno [orig: tyrannô], quisnam et cuias esset, cum se peregrinum profitetur, Tu igitur primus, inquit, Aegypto dabis aquam. Itaque primus immolatus est. Ovid. l. 1. de Art. Am. v. 647.

Dicitur Aegyptus caruisse iuvantibus arva
Imbribus: atque annos sicca fuisse novem;
Cum Thrasius Busirim adit, monstratque piari
Hospitis effuso sanguine posse Iovem.
Illi Busiris, fies Iovis hostia primus;
Inquit: et Aegypto tu dabis hospes aquam.

Ut qui, post longum sacri monstrator iniqui,
Elicuit pluvias Victima caesus aquas.

THRASEAS [2] Paetus Patavio [orig: Pataviô] oriundus, admirator unicus Catonis, de cuius vita librum scripsit, quindecim virali sacerdotio [orig: sacerdotiô] praeditus, Philosophus Stoicus sub Nerone, Maritus Ariae, a quo cum iussus esset mori, fletum suorum magna [orig: magnâ] constantia [orig: constantiâ] compescuit: porrectisque alacriter ad incisionem brachiis, hum umque cruore aspergens; Hunc, inquit, sanguinem libemus Iovi liberatori. Tacit. l. 16. c. 35. Dio, l. 16. Plin. l. 8. ep. 22. Martialis, l. 1. Epigr. 9. v. 1.

Quod magni Thraseae, consummatique Catonis
Dogmata sic sequeris. salvus ut esse velis, etc.

Quale coronati Thrasea Helvidiusque biberunt
Brutorum et Cassinatalibus. --- -

THRASIDEUS fil. et successor Theronis, Tyranni Agrigentini, victus ab Hierone, pauloque post a civibus suis, excusso [orig: excussô] iugo [orig: iugô], occisus est. Diodor. Sic. l. 11.

THRASIMUNDUS Vandalorum in Africa Rex IV. post fratrem Gundebaldum, vel Gunthamantum, A. C. 496. Qui ambo, Ariani, crudeliter in fideles saevierunt [orig: saeviêrunt]: posteriori inprimis, ne Episcopos sibi eligerent, inhibuit; quod cum nihilominus facerent, illorum 126. inter quos Fulgentius, in Sardiniam relegavit. Cum Fulgentio inde revocato colloquutus, viri eruditionem et cloquium admiratus quidem est, persequi tamen Orthodoxos non destitit. Bello [orig: Bellô] contra Mauros infelix: obsessa [orig: obsessâ] frustra Tripoli, quam Cabao, pietate et fortitudine inclitus, strenue defenderat, animi maerore exstinctus est, A. C. 523. Procop. l. 1. de bello Vandal. Victor etc. Successit Hildericus, de quo supra.

THRASIPPUS Athenis dedicavit tabulam, in qua expressum, quod chorum Eophantidae tibia praecederet ipse. Aristoteles, l. 8. Polttic. c. 6.

THRASIUS mercenariorum Phocensium in Sicilia Dux, seditionis contra Timoleonta auctor: secessit cum suis Syracusas; sed inde, devictis Carthaginiensibus, eiectus in Brutiis, cum omnibus, suis, occisus est. Diod. Sic. l. 16.

THRASO nomen militis gloriosi apud Terentium. Item pictor sic dictus. Strab. l. 14.

THRASYALCES Thasius Scriptor vetustus, ex Aethiopiae Superioris imbribus Nilum augeri, illisque desinentibus sensim imminui, tradidit: a quo id hausit Aristoteles. Ipse vero Thrasyalces ab alio id accepit, qui ab Homero, canente Od. d. v. 581.

*)/ay d' ei)s2 *ai)gu/ptoio dii+pete/os2 potamoi=o..
Rursus ad Aegypti (i. e. Nili) caelo [orig: caelô] delapsa fluenta.

Posidonius apud Strabonem, l. 17. Atque hanc incrementorum Nili veram esse causam, non saltem exploratius postea innotuit, sub Ptolemaeis, Philadelpho inprimis, vide supra Agatharchides: sed et hodierna experientia confirmat, ut diximus, voce Alvarez Franc. it. Nilus.

THRASYBULUS [1] fil. Gelonis maioris, Olympiad. 78. frater Hicronis, qui, cum Gelonem minorem ex fratre nepotem ad voluptates pelliciendo enervasset [orig: enervâsset], omnique imperio [orig: imperiô] submovisset, eiusdem Gelonis alii propinqui, Syracusanos contra Thrasybulum concitarunt [orig: concitârunt]: qui hac [orig: hâc] occasione arrepta [orig: arreptâ] et Thrasybulum occiderunt, et tyrannidem in totum sustulerunt. Aristotel. l. 5. Polit. c. 10. Aliter Diod. Sic. l. 11.

THRASYBULUS [2] Atheniensis exul, comparato [orig: comparatô], exercitu 30. tyrannorum dominationem Athenis sustulit, iuvante Lysandro [orig: Lysandrô], Lacedaemoniorum duce, exulesque reduxit. Insuper plebiscitum tulit, quod a)mnhsti/an vocant, quo iniuriarum memoria deleretur, exulibus iureiurando adactis. Cicero, Philipp. 1. Val. Max. l. 4. c. 1. de modestia. ex. ext. 4. Rebus in Thracia praeclare gestis, plurimas urbes occupavit, Therimachumque Lacedaemoniorum Ducem acie vicit. Ipse tandem noctu interfectus est, ab Aspendiis, in Pamphylia, An. 364. Urb. Cond. Item dux Milesiorum, qui ut portum Sicyoniorum occuparet, ex adversa parte oppidanos tentavit: dumque sic detinerentur, cum insperata [orig: insperatâ] classe portum cepit. Frontin. l. 3. c. 9. ex. 7. c. 15. ex 6.

THRASYBULUS [3] Atheniensis, in commilitio Persarum, una cum Memnone sustinuit oppuguationem Halicarnassi. Diodor. Sic. l. 17.