CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS QVARTVS Literas R, S, T, V, X, Y, Z, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

TIMASITHEUS [2] Crotoniata; insigni corpotis robore, quem iuvenem Milo senex lucta [orig: luctâ] in Olympiis superare non valuit. Pausan. l. 2. Eliac. Scribitur ibidem quoque Timotheus.

TIMAVUS vulgo Timavo, fluv. maximus Carnorum, sed brevissimi decursus 19. fontibus ex vicino monte erumpens, quibus confluentibus vix ad 2. mill. pass. latissimus Hadriaticum pelagus ultra Aquileiam 7. Tergeste versus petit. Lacus apud quem oritur, Fanum Diomedis, vulgo Giovanni. In eo pingues et optimae anguillae, Aelian. Huius fluvii meminit Virg. l. 1. Aen. v. 246. de Antenore.

Antenor potuit --- ---
Regna Liburnorum, et fontem superare Timavi.
Unde per ora novem vasto cum murmure montis
It mare praeruptum, et pelago premit arva sonanti.

Hodie in foro Iulio describitur a Leandro, qui dicit eum Timavo vocari. Niger vero eum Larechio nominat. Vide Cluv. Ital. Ant. p. 189. Ante eius ostia Insulae aliquot parvae, sed clarae, ob fontes calidos, aestu maris crescentes. Plin. l. 2. c. 103.

TIMENUS Arcas, aliis Tebennus, primus togae id genus, quod ab eo vestis Tebennia corrupte Tebenum appellatur, induit, cum Ionium sinum navigasset [orig: navigâsset]. Acuius incolis susceptus, eos eandem vestem conficiendi rationem docuit. Illi quae forma, quis color, quod pretium, dubitant non saeculi modo nostri scriptores, sed et inter antiquos non pacuci. Vide Dion. Halicarn. l. 3. Suidam in voce *te/bennos2. Artemidor. Onirocrit. l. 2. c. 3. Hesychium, Eunapium in Iuliano, Ioh. Meursium in Curis Criticis, par. 2. c. 31. etc. Ut et in voce Toga.

TIMESIUS Clazomenius, Abderam condere orsus a Thracibus pulsus est, circa Olymp. 31. postea tamen Abderae, quam Teii Perfecerunt, ut Heros, cultus, Herodotus, l. 1. Vide Salmas. ad Solin. p. 161.

TIMETHUS Siciliae fluv. Il Patrese Fazello, sic ab urbe nominatus, Traina aliis, fluv. Sicilae in ora occidua, inter Agathyrium ad Austrum ac Tyndarum ad Boream, iuxta urbem Pactensem mari exceptus. Brietio Naso, in ora Boreali inter Tyndarium ad Ortum et Agathyrnum ad Occasum in mare Tyrrhenum fluens, 12. milliar. a Pactis in Occasum.

TIMICA Mauritaniae Caesariensis urbs mediterranea, Ptol. Tremesin, ac Telensin Marmolio.Olim Episcopalis sub Archiepiscopo Caesariensi, et regia clara ac ampla: a Siga urbe excisa in ora 14. mill. pass. in Austrum, a Iulia Caesarea supra 250. in Occasum. Telimiconi quoque incolis, inter Malvam et Quizam, a qua supra 75. mill. pass. abest. Hodie Urbs regni Algerii in tractu montium, etiam num ampla et culta 14. mill. pass. ab ora maris Mediterranei in Meridiem, 45. aconfinio regni Fezzae. Populi Timiticenses, unde Episcopus. Timiticensis, in Concilio Carthaginensi.

TIMOCHARES Atheniensis, Regis Pyrrhi amicus, qui ad C. Fabricium Consulem furtim venit, ac praemium petivit: et si de praemio conveniret, promisit regem venenis necare: idque facile esse factu dixit, quoniam filii sui pocula in connvivio regi ministrarent. Eam rem Fabricius ad Senatum scripsit: Senatus legatos ad regem misit, mandavitque, ut de Timochare nihil proderent, sed monerent, ut rex circumspectius ageret, atque a proximorum insidiis salutem tutaretur. Gellius ex Val. Antiate, l. 3. c. 8. Timochares quidam e)n toi=s2 peri\ *)antio/xou citatur Eusebio, l. 9. de Praep. Euang. Alius forsan Timochares est Scholiastae Arati laudatus.

TIMOCLEA mulier Thebana nobilissima, Theagenis forer, stuprum a quodam barbaro Thracum principe per vim passa, iniuriam hoc [orig: hôc] modo [orig: modô] ulta est. Odio [orig: Odiô] enim dissimulato [orig: dissimulatô], dixit stupratori, se scite locum, ubi plurimum esset auri perductusque est ad altissimum puteum, qui fuit in remotiore domus [orig: domûs] parte. Quo cum Thrax venisset, et iam pronus immineret puteo, a Timoclea, quae a tergo stabat deiectus est in praeceps, et saxis obrutus, Sabellicus ex Plut. Aliter Polyaen. l. 8. c. 40.

TIMOCLES Comicus Atheniensis, fabulas scripsit, quorum nonullas commemorat Athenaeus. Vidle Casaub. in Athen. l. 7. et 9.

TIMOCRATES Archon Athenis, an. 1. Olymp. 104. quo [orig: quô] princiipe certamen Olymp. non ab Eleis, sed a Pisaeis et Arcadibus celebratum est.

TIMOCREON [1] Rhodius quidam, Poeta Comicus, Olymp. 75. qui propter cibi et vini aviditatem hoc tulit epitaphium,

Multa bibens, et multa vorans, male denique dicens
Maltis, hic [orig: hîc] iaceo Timocreon Rhodius.

TIMOCREON [2] Rhodius Poeta, qui scripsit carmen Scolion, contra Plutum, cuius initium laudat auctor Schol. in Ranas Aristoph. Act. 5. Sc. 2.

TIMOGENES Palmyrenorum Dux, apud Treb. Pollionem in Claudio, c. 11. Palmyreni ducibus Saba [orig: Sabâ] et Timogene contra Aegyptios bellum sumunt atque ab his --- vincuntur. Dux tamen Aegyptiorum Probatus Timogenis insidiis interemptus est. Ubi Timagenes forte scribendum, uti vocatur Graecis censet Gruterus.