CAMENA Early Modern Latin Texts

JOH. JACOBI HOFMANNI SS. Th. Doct. Profess. Histor. et Graec. Ling. in Academ Basil. LEXICON VNIVERSALE, HISTORIAM SACRAM ET PROFANAM Omnis aevi, omniumque Gentium; CHRONOLOGIAM AD HAEC VSQVE TEMPORA; GEOGRAPHIAM ET VETERIS ET NOVI ORBIS; PRINCIPVM PER OMNES TERRAS FAMILIARVM Ab omni memoria repetitam GENEALOGIAM; Tum MYTHOLOGIAM, RITVS, CAERIMONIAS, Omnemque Veterum Antiquitatem, ex Philologiae fontibus haustam; VIRORVM, INGENIO ATQVE ERVDITIONE CELEBRIVM Enarrationem copiosissimam; Praeterea ANIMALIVM, PLANTARVM, METALLORVM, LAPIDVM, GEMMARVM, Nomina, Naturas, Vires, Explanans. EDITION ABSOLVTISSIMA, Praeter Supplementa, et Additiones, antea seorsum editas, nunc suis locis ac ordini insertas, VBERRIMIS ACCESSIONIBVS, IPSIVS AVCTORIS MANV novissime lucubratis, tertia parte, quam antehac, AVCTIOR, LOCVPLETIOR: INDICIBVS ATQVE CATALOGIS REGVM, PRINCIPVM, POPVLORVM, TEMPORVM, VIRORVM ET FEMINARVM ILLVSTRIVM, ANIMALIVM, PLANTARVM; Tum praecipue NOMINVM, QVIBVS REGIONES, VRBES, MONTES, FLVMINA, etc in omnibus terris, vernacula et vigenti hodie ubique lingua appellantur; Caeterarum denique rerum memorabilium, ACCVRATISSIMIS INSTRVCTA. TOMVS QVARTVS Literas R, S, T, V, X, Y, Z, continens. [gap: illustration] LVGDVNI BATAVORVM, Apud JACOB. HACKIVM, CORNEL. BOVTESTEYN, PETR. VANDER AA, et JORD. LVCHTMANS. MDC XCVIII. Cum peculiari Praepott. D. D. Ordinum Hollandiae et West-Frisiae Privilegio.

VEGETUS Color idem cum acuto, claro, excitato, florido; Graecis o)cu\s2 et lampro\s2 et eu)anqh\s2: cum videl. color lumine intensiore accenditur, uti coccineus est, apud Plut. Nuptial. praec. ubi cum lampro\n xrw=ma vocat, sicut lampra\ e)sqh\s2 de coccinea itidem occurrit, apud Euangelistam, Luc. c. 23. v. 11. Vide Salmas. ad Solin. p. 345. et Not. ad Pallium Tertull. c. 3. nec non supra passim. Uti de vegetis oculis Iulii Caes. apud. Sueton. c. 45. et Caroli Mag. apud Eginhardum, to\ drasth/rion horum Principum prae se ferentibus, Casaubonum ad locum Suetonii.

VEGIA seu UM quae et VIGLIA et CURRICTA, Insul. maris Adriatici, in ora Liburniae, ab ea exiguo [orig: exiguô] freto [orig: fretô] divisa ad Ortum. Habet ad Occasum Absorum Insul. a qua 5. milliarib. abest, et Arbam ad Meridiem. Extenditur ab Euro in Circium ad 30. milliar. et urbem habet primariam cognominem Episcopalem, sub Archiepiscopo Iaderensi, in parte Occidentali 17. mill. pass. a Senia in Occasum, Kirk Slavis, Italis Veglia.

Per Graium [orig: Graiûm] populos, mediaeque per Elidos urbem
Ibat ovans, Divumque sibi poscebat honorem.

Vide quoque Claudianum, Nuptiis Honorii, Alios. Hinc Polynices, Argiae uxoris ambitionem, ob oculos velut ponendo spectaculum coronae duorum Regnorum receptae, et adorantis Reginam per utrumque invectam populi, scite palpat, apud papinium, l. 2. Theb. v. 362.

ad quem locum vide Casp. Barthium, Animadv. Papin. qui in eandem rem plura congessit, Adversar. l. 10. c. 9. et l. 147. c. 17. Quare aut Principis equo [orig: equô], uti de Mardochaeo, in libro Estherae, c. 6. v. 8. aut curru eodem [orig: eôdem] cum Principibus vehi, ingens honor, uti de Honorio, cum Theodosio patre Urbem invecto, docet Claudianus, Consul. Honorii 3. et supra vidimus, voce Currus. Sequebatur autem Principes sic invectos turba comitum tw=| forei/w| parepome/nwn, ut loquitur Lucianus. Unde de Tiberio Suetonius, Adulationes adeo aversatus est, ut neminem Senatorum aut officii aut negotii causa [orig: causâ] ad lecticam suam admiserit, c. 27. et paulo post, c. 30. Numquam curiam nisi solus intravit: lectica [orig: lecticâ] quondam introlatus aeger, removit comites. Contra Neronem Caesarem numquam minus mille carrucis iter fecisse, longo [orig: longô] semper impedimentorum agmine incedente, ex eodem notum. Nec Principes solum, sed et alii sic vecti. Iuvenalis, Sat. 7. v. 141.

Respicit haec primum, qui litigat, an tibi servi
Octo, decem comites, an post te sella, togati
Ante pedes? --

Lectica [orig: Lecticâ] enim per urbem vehi, aetate iam Tiberii vulgata res fuit, et mediocribus etiam civibus usurpata, uti docet Casaubon. ad Suetonii loc. de matronis supra diximus passim, uti de Diis, voce Tensa; quos ventis vehi quoque Gentilibus creditum, infra dicemus. Idem in Episcopis Ecclesiae Romanae carpit Ammian. Marcellin- l. 27. ubi Valesii Notas vide. His oppositi, quos siccis vehiculis impositos, h. e. absque comitatu, ex ultimis oris, die noctuque iter facientes, Duces Consularesque viros, de quibus aliquid suspicaretur, ad se properare iussit, Maximinus apud Capitolin. c. 13. ad quem vide Notas Salmasii etc.

VEHICULARIUS Fabricator apud Capitolin. in Maximo et Balbino, c. 5. Maximo pater fuit Maximus, unus e plebe --- rhedarius, Vehicularius fabricator: est vehiculorum artifex, et quidem Vehicularius rhedarius in specie, qualis hic Maximus fuit, qui hoc genus vehiculi fabricabat, quod rheda appellabatur; sicut Vehicularius carpentarius, qui carpenta. At Vehicularius Cursus, apud Capitolin. eundem in Pio, c. 12. Vehicularium cursum summa [orig: summâ] diligentia [orig: diligentiâ] sublevavit: generalis est appellatio cursus publici, quae rhedas, cisia, verecos, angarias et omnia, quae in cursu publico usurparentur sive vehicula, sive animalia, compehendit; eo quod ab initio institutionis vehicula tantum, i. e. rhedae, in usu fuere [orig: fuêre]. Vide Salmas. ad utrumque loc. et plura de Vehiculario Cursu supra, ubi de Cursu Publico. Alias vox Vehiculi non rhedam solum, sed et Arceram, plaustrum tectum undique, quo [orig: quô] infirmi vehebantur; et Basternam, quo [orig: quô] matronae; et Carpentum, quo [orig: quô] honoratioes; et Carros, Carrucasque Germanorum ac Gallorum; et Cisium; et Covinum Britannorum; et Eptredium et Essedum Belgarum; et Petoritum; et Ptlentum, et Tensam et Sabutam et Sarracum et Tumbrellum; omne denique Curruum genus, ut et Lecticarum ac Plaustrorum Sellarumque, quibus homines ad commoditatem, necessitatem, pompam, bellum, habitationem, alia, uti consuevere [orig: consuevêre], ambitu suo [orig: suô] complectitur. Vide hic [orig: hîc] passim, inprimis in voce Currus, et plura hanc in rem apud Io. Laurentium Ictum, de Re Vehicularia. Addo saltem, vehiculum quadrirotum Phrygum inventum facere Plinium, l. 7. c. 56. Vide quoque supra ubi de Bigis, Trigis, Quadrigis Veter. uti de Vehiculorum usu vetito Romanis, voce Septimontium: paenitentibus negato, supra ubi de iis: de more prisco Vehiculis iunctis pugnandi, voce Carrago.