CAMENA Early Modern Latin Texts

HIEROLEXICON SIVE SACRVM DICTIONARIVM AVCTORIBVS DOMINICO MACRO MELITENSI ET CAROLO EIVS FRATRE ROMAE Ex Off. Bernardoniana Sub Signo Virtutis Anno 1677 Superior [abbr.: Superiorum] permissu Et privilegiis

HIEROLEXICON, SIVE SACRVM DICTIONARIVM, IN QVO Ecclesiasticae voces, earumque Etymologiae, Origines, Symbola, Caeremoniae, Dubia, Barbara Vocabula, atque Sac. Scripturae, et SS. PP. Phrases Obscurae elucidantur. AVCTORIBVS DOMINICO MACRO MELITENSI, Olim Cath. Eccl. Viterb. Canonico Theol. Sac. Indicis Congregationis Consultore, Proton, Apost. Eq. Aurato, Com. Palat. ET CAROLO EIVS FRATRE Biblioth. Alexandrinae in Archigym. Vrbis Praefecto. OPVS Figuris ornatum, quod praecedit Index Criticus, ac subsequuntur SYLLABVS graecarum vocum exoticarum, de quibus in eo agitur, et CONTRADICTIONES APPARENTES Sac. Script. ab eodem DOMINICO conciliatae, et ex eius Schedis in hac tertia, et postuma impressione auctae. [gap: illustration] ROMAE, Sumptibus PONTII BERNARDON. Via Parionis sub signo Virtutis. M. DC. LXXVII. SVPERIORVM PERMISSV, ET PRIVILEGIIS.

EVNVCHIZO FR. castro, virilia amputo. [Qui se propter epilepsiam curandam euncuhizaurt. Iuo Carnot. epist. 233.] licet in mendosis Codicibus Enuchi Zauit legatur. Epilepsia vero est morbus, qui comitialis, sacer, et herculeus dicitur.

EVNVCHVS FR. tripliciter a Christo Domino distinguitur, id est, naturalis, artificialis, et spiritualis. De secunda specie Eunuchorum dubitatum fuit vtrum ad ordines ecclesiasticos illi admitti possint. Glossa in can praecepta canonica. dist. 55. stante Iuris Ciuilis prohibitione, et inhabilitate ad militiam. ff. de re militari. 1. qui cum vno; nam Eunuchi infames declarantur ab Impp. Domitiano. Baron. Ann. 83. num. 2. Constantino Magno. Idem Baron. An. 314. num. 74. Iustiniano. Idem Baron. An. 529. num. 18. et 19. et ideo Stephanus Papa ait: [Infames dicimus quoscumque leges saeculi infames pronuntiant. apud Gratianum. in §. hinc colligitur. 2. quaest. 3. post. can. 7.] Propterea tamquam infames ab ordinibus arcentur, vt Concilia, et Pontifices statuerunt. Baron. An. 325. num. 144. can. apostol cap. 3. de corpore vitiatis. 33. quaest. 2. et 3. can. 8. can. te quidem. 11. quaest. 1. et alibi; nihilominus canones a susceptione ordinum illos eunuchos tantium prohibent, qui ad exemplum Origenis propter continentiam castrari passi sint. can. si quis. dist. 56. et Baron. ad An. 529. num. 20. etc. Synonima huius vocabuli. Vide Carsama ti vm. Spado. Archigallus. Truncatus.

EVOCHIA publicum conuiuium, eu)wxi/a. [In coelis est hoc coeleste conuiuium, quod euochia graece dicitur. Clement. Alexand. lib. 2. Pedag. cap. 1.

EVSEBIA eu)se/beia, pietas, religio. D. August. lib. 10. de Ciuit. Dei, et D. Gregor. Nissen. lib. de homine. cap. 1.

EVSEBIVSVERCELLEN. [abbr.: VERCELLENSIS] Episc. S. Athanasii adiutor fuit in traducendo latine eius symbolum. Vide Symbolum.

EVTYCHIANI haeretici. FR. a quodam Constantinop. Abbatc, qui Eutyches vocabatur, a Theodosia Augusta protectus, et per quem nimis angustiata fuit Ecclesia Dei, qui haeretici in Christo naturam solum diuinam admittebant. 24. quaest. 3. can. 39. quibus associati sunt Theodosiani a Theodosia Iustiniani Imp. coniuge, eorum fautrice, vt supra diximus, ita appellati, seu potius a Theodosiano, qui simul cum Gaiano furore populari in eadem die ambo in Dioecesi Alexandrina pro Episcopis intrusi sunt; hi enim duo Eutychidis, et Discoridis erroribus adhaerentes, et Concilii Chalcedonensis decreta negantes, asserebant vnicam tantum in Christo naturam, cum hac tamen differentia, quod corruptibilem admittebat Theodosianus, Gaianus vero incorruptibilem. 24. quaest. 3. can. 39. [Stat apud conscientias vestras, quanta Nesorius, et Eutyches, gemina diabolicae informationis ostensa, diu castam Ecclesiam, orientalium disciplinam perfidiae fornicatione corruperint. Ennod. Ticinen. Episc. de Haeret. et Synodo. dict. 6.] Vide Nestoriani. Enoticus.

EVVA lex, seu constitutio, ex voce gallica antiqua, adhuc tamen in vsu apud Anglos. [Secundum legem, et euuam ille, cui domus fuerit infracta, et spoliata in triplum componat. In constitut. Caroli Magni. lib. 2. cpa. 65.] Quare in capitulis Marci Vvelseri legendum est: [Correpti secundum euuam Boioriorum, vel legem.

EX. FR. deformitatis nota est. Glossa in can. pudenda. 24. quaest. 1. §. Exsecratus.

EXACTO exigo. [Et qui vlterius in talibus locis, vel de eis, qui ad palatium, seu in hostem pergunt theloneum exactauerit cum sua lege theloneum reddat. in constit. Caroli Magni lib. 4. cap. 31.] Idem vocabulum reperitur in cabylonense Synodo. can. 18. FR. et in l. si quis alienam. de raptu, et l. de heribannis eod. tit.

EXAFOCI; hoc vocabulum in Anastasio Biblioth, duplicem errorem euidenter continet; primus namque est in separatione litterarum, secundus vero in variatione earundem; scribit enim in Benedicti III. vita. [Simili modo, et in Monasterio B. Martini fecit canistra exafoci duo ex argento.] iuxta meam censuram scribendum erit Exaphota, quod significat sex luminum. ex graecis dictionibus e)/c, id est, sex, et fw=ta lumina, seu splendores. Vide Exafotia in dict. Enofotius.

EXAGELLA lances, statera, seu pondus, apud S. Zenonem Serm. 6. ad Neoph. et Ennodium in vita S. Epiphanii papiensis Episcopi, diminutina fortasse ex graeco vocabulo e)ca/gion, quod sextam vnciae partem significat. [De ponderibus quoque, vt fraus omnis amputetur penitus a nobis aguntur exagia. In Nouell. Theodos. et Valent. Impp. tit. 25.] Quamuis ibi Glossa omne. ponderis genus significare ait. FR. Exagellam puto esse modicam exactionem, et normam victualem, quam Itali Liuellum appellant; nam Liuellare italice, latine librare a libra dicitur. Ex Ennodii verbis hoc asserere inducor, qui loco supracitato virtures S. Epiphanii exaltans, ac praecipue de eius munificentia ait: [Omnibus Sacerdotibus in itinere positis munificus, communis, affabilis, et quasi exagellam relinquens se ipso praestantior;] Quod in notis ad eundem Sirmondus normam, et exemplum interpretatur. Ac in Monasticis regulis etiam de quodam iuuene habetur, qui ciuiliter mundo moriens, suam hereditatem carnalibus fratribus Exagellario titulo diuiserat.

EXAMITVS pannus sex filis contextus. [Aliam quoque planeram examitam. lib. 3. Chron. casin. cap. 20.