CAMENA Early Modern Latin Texts

HIEROLEXICON SIVE SACRVM DICTIONARIVM AVCTORIBVS DOMINICO MACRO MELITENSI ET CAROLO EIVS FRATRE ROMAE Ex Off. Bernardoniana Sub Signo Virtutis Anno 1677 Superior [abbr.: Superiorum] permissu Et privilegiis

HIEROLEXICON, SIVE SACRVM DICTIONARIVM, IN QVO Ecclesiasticae voces, earumque Etymologiae, Origines, Symbola, Caeremoniae, Dubia, Barbara Vocabula, atque Sac. Scripturae, et SS. PP. Phrases Obscurae elucidantur. AVCTORIBVS DOMINICO MACRO MELITENSI, Olim Cath. Eccl. Viterb. Canonico Theol. Sac. Indicis Congregationis Consultore, Proton, Apost. Eq. Aurato, Com. Palat. ET CAROLO EIVS FRATRE Biblioth. Alexandrinae in Archigym. Vrbis Praefecto. OPVS Figuris ornatum, quod praecedit Index Criticus, ac subsequuntur SYLLABVS graecarum vocum exoticarum, de quibus in eo agitur, et CONTRADICTIONES APPARENTES Sac. Script. ab eodem DOMINICO conciliatae, et ex eius Schedis in hac tertia, et postuma impressione auctae. [gap: illustration] ROMAE, Sumptibus PONTII BERNARDON. Via Parionis sub signo Virtutis. M. DC. LXXVII. SVPERIORVM PERMISSV, ET PRIVILEGIIS.

EXPILO FR. res iacentis hereditatis substraho. Glossa in can. aut facta. de poenit. dist. 1.

EXPLORATOR FR. Agens, procurator. [Si quando in causa capituli, vel cansa status inter pellatum fuerit, non per exploratores; sed per se ipsos est agendum. can. si quando. 2. quaest. 6.] ibi Glossa. Item explorator sumitur in malam partem. Vide Scamera. Speculator. Sculta.

EXPVDORATVS FR. sine pudore, et verecundia, aliqui tamen corrupte Expuderatum scribunt; a pudore enim componitur hoc vocabulum, et non a pudere.

EXPVNGO FR. pro soluo, et debiti notam cancello. [Cumque ego vos pro me vicarios miserim, et expungeretis necessitates fratrum sumptibus. S. Cyprian. epist. 38.] Item. Expungor pro absoluor a creditore: [Ille intercesserit, ne quis possit expungi. Ibidem,] Quod tamen Intercesserit cum aliqua interpositione impedire in hoc loco significat. Vide Intercedo. Synonimum. Vide Dispungo.

EXPVNCTVS FR. liber, absolutus. [Expuncta morte. Cyprian. de bono patientiae. Expunctos contumelia Martyres. Tertull. lib. ad Martyr.] qui etiam verbo Dispungo pro eodem significatu vtitur; ita et Optatus Mileu. contra Parmenianum. Vide Dispungo.

EXSVFFLO et Exsuflo dissipo, disperdo, [Conciditur vnitae Christi, blasphematur hereditas Christi, exsufflatur baptisma Christi, August. epist. 162. contra Donatistas. [Item Exsuflo vnico, f, pro detestor, maledico, [Quis rogo fidelium non statim cum ipsa magia primo detestetur, et exsuflet? Beda lib. 5. hist. Anglic. cap. 22.] et de quodam Christiano, qui ob timorem Idolis incensum obtaulerat, Tertullian. lib. de Idolatria inquit: [Quo ore Christianus thurarius, si per templa transibit, aras expuet, et exsuflabit, quibus ille prospexerit?] Erat enim mos antiquorum in signum detestationis in ex pulsione malignorum spirituum insufflare: [Latebis ne tecum lectulum tuum, cum corpusculum tuum signas, cum aliquid immundum flatu expuis? Tertull lib. 2. ad Vxor.] sic etiam in exorcismis fieri solet. Hinc etiam Monacho excommunicato porrigebatur maledictum victum, et cum detestatione. [Et hoc ab Abbate exsufflatum, et non sanctificatum. In Regula S. Fructuosi cap. 14. § 2.] FR. In can. si propterea. 23. quaest. 5. de iniuria sacramentorum Christi a Regibus vindicanda inquit ibi Aug. [Quomodo vindicandum est a regibus, quod Christi Sacramenta exsufflantur etc. Ecce quomodo Rex alienigena saeuit ne blasphemetur Deus israel, qui potuit tres pueros de camino ignis liberare, et tamen nolunt, vt saeuiant Reges Christiani: quia Christus exsufflatur et c.] Et inferius. [Quando vident Christum, a quo liberati sunt, exsufflari in Christianis. can. Quando vult Deus. 23. quaest. 4.

EXTALES uiscera, ab exta. Vide Thyas. Hinc Petrus Beluacen. de diuitiis epist. 102. scribens, pro doloribus colicis vocabulum hoc vsurpauit. [Hae sunt muscae, quae exterminant suauitatem vnguenti, aues, quas abigebat Abraham: mures, qui de terra, id est, affectione terrena ebulliuntm, qui extales, id est, interiora corrodunt.

EXTATICVM [Habemus adhuc in extatico sub simplici, et pari signo sacrae redemptionis insignia. Euseb. Emissenus hom. 14.] Qui per dictum vocabulum primos sex sacrae Scripturae libros intelligit; sed mendose. e(cateu=xon enim, id est, Exateuchum legendum est, at scripta. quae sub nomine Eusebii Emisseni partim apocrypha, partim ex aliis Sanctis Patribus decerpta, et partim ab Abbate quodam, qui multum post praedictum Eusebium vixerat, addita sunt; ita Bellarminus, et Labbe de Scriptoribus Ecclesiasticis in Eusebio Emisseno.

EXTIPICES FR. qui superstitiose ex animalium extis vaticinabantur. [Mexentius intra muros inclusus Diis victimas offerebat, et Extipices de belli euentu consulebat. Zosimus Comes in hist noua lib. 2.] Vide Hydromantia.

EXTOLLO FR. deturbo, suscito, distraho, [Qui vacat otio, aut fabulis, et non est intentus lectioni; non solum sibi inutilis est; sed etiam alios extollit. In Regula S. Benedicti cap. 48.

EXTRA CATHOLICAM ECCLESIAM non est locus veri sacrificii.. 1. quaest. 1. can. 70. FR. id est, extra formam Ecclesiae Catholicae. Glossa ibi. item extra Ecclesiam esse dicitur, qui cum Episcopo non est. Glossa in can. qui cathedram dist. 93.

EXTRALEGALIS FR. Gentilis, infidelis. [Numquid pagani extralegales possunt cantare Deo. Optat. Mileuit. lib. 2.

EXVLATICIVS FR. profugus, dictio barbara in Cyrilli glossa, quae etiam habet Fugitiuosus in eodem sensu.

EXVLOR in exilium mittor. [Rogabat enim Sanctus ille, vt sineretur in eadem custodia, quousque exularetur, et ad horam auferetur de custodia. Collect. Anastasii de exilio S. Martini Papae per Iacobum Sirmondum edita.

EXVLTET IAM etc. Vide Cereus paschalis. Verba ibi ex Diuo Hieron. corrigenda. Vide Pascha.