14 February 2004 Ruediger Niehl
text typed (without italics) - structural tagging completed - no semantic tagging - no spell check - Could not identify errata-list item: 548. 1. lin. 46. stadium
06/2006; 12/2006; 02/2011 Cornelius Amberger; Bernhard Hollick; Reinhard Gruhl
spell check partially performed; the special sign ||: (resp. [erroneously?] ||. ) inserted (see the explanation of the printer: page 18)
image: s001HIEROLEXICON, SIVE SACRVM DICTIONARIVM,
image: s002
[gap: blank space]
image: s003HIEROLEXICON SIVE SACRVM DICTIONARIVM AVCTORIBVS DOMINICO MACRO MELITENSI ET CAROLO EIVS FRATRE ROMAE Ex Off. Bernardoniana Sub Signo Virtutis Anno 1677 Superior [abbr.: Superiorum] permissu Et privilegiis
image: s004
[gap: blank space]
image: s005HIEROLEXICON, SIVE SACRVM DICTIONARIVM, IN QVO Ecclesiasticae voces, earumque Etymologiae, Origines, Symbola, Caeremoniae, Dubia, Barbara Vocabula, atque Sac. Scripturae, et SS. PP. Phrases Obscurae elucidantur. AVCTORIBVS DOMINICO MACRO MELITENSI, Olim Cath. Eccl. Viterb. Canonico Theol. Sac. Indicis Congregationis Consultore, Proton, Apost. Eq. Aurato, Com. Palat. ET CAROLO EIVS FRATRE Biblioth. Alexandrinae in Archigym. Vrbis Praefecto. OPVS Figuris ornatum, quod praecedit Index Criticus, ac subsequuntur SYLLABVS graecarum vocum exoticarum, de quibus in eo agitur, et CONTRADICTIONES APPARENTES Sac. Script. ab eodem DOMINICO conciliatae, et ex eius Schedis in hac tertia, et postuma impressione auctae. [gap: illustration] ROMAE, Sumptibus PONTII BERNARDON. Via Parionis sub signo Virtutis. M. DC. LXXVII. SVPERIORVM PERMISSV, ET PRIVILEGIIS.
image: s006
[gap: praeliminaria]
page 265, image: s297F
FF. quid significabat apud antiquos. Vide Pandectae.
FABALIA. FR. locus vbi fabae satae sunt. [Pythagoras vero, ne per fabalia quidem transeundo, discipulis suis tradidit. Tertull. de anima. cap. 31.
FABANA. faba fracta, seu fabarum polenta [Tantam fabanam coxit, vt per totam hebdomadam satis haberet. In vita S. Carulephi.] In aliquibus mendosis Codicibus Fabianam reperitur.
FABARIVS. perantiquum Cantorum vocamen. [Antiqui pridie [correction of the printer; in the print pridem], quam cantandum erat, cibis abstinebant, psallentes tamen legumine in causa vocis assidue vtebantur. Vnde et Cantores apud Gentiles Fabarii dicti sunt. Isidor. de Eccles. off. lib. 2. cap. 12.] FR. Plinius hoc leguminis genus ait esse pectorale medicamentum. [Allium tussim sanat fractae incoctum fabae, atque ita in cibum sumptum. lib. 20. cap. 6.
FABER LIGNARIVS. Vide Dendrophorus.
FABRICENSIS. FR. qui publica arma fabricat. Glossa in cap. 12. lib. 5. de sent. excommun. in sexto. Vide Signatus manu.
FABVLA. sumitur aliquando pro historica narratione; verbum enim hoc a For, faris, id est, loquor, narro, originatur, et in hoc sensu D. Hieronymus cap. 13. Commentariorum. Susannae historiam fabulam appellauit, vnde aliqui hae retici sumpto praetextu, eam historiam fabulosam fuisse asseruere, sed idem Sanctus Doctor sufficienter sese declarat in Apologia ad Ruffinum, inquiens: [Quod autem refero, quid aduersum Susannae, et hymnum trium puerorum, et Belis draconis fabulas, quae in volumine hebraico non habentur.] Sic fabulas appellauit res, quae vere eidem acciderant inquiens: [En ne veteres replicando historias longum faciam, breuem tibi fabulam referam quae infantiae meae temporibus accidit. Idem epist. 24.] Fabulas vocauit sermones spirituales etiam D. Cyprianus. [Hic iucundum sermonibus diem ducere, et studentibus fabulis in diuina praecepta conscientiam pectoris erudire. epist. 1.] In eodem sensu epist. 1. lib. 1. ad Iustum D. Ambrosius ita scrip. serat: [Pulere admones frater, vt epistolares fabulas et c.] id est, narrationes. Et D. Lucas Euangelista cap. 24 inquit: [Et factum est dum fabularentur,] id est, dum discurrerent, et tractarent de Christi passione. Et verbum. Ad fahulor contractare significat. FR. sic etiam apud Veteres. [Stabant forte vna in vestibulo palatii fabulantes Fronto Cornelius, et Festus Posthumius. Gell. lib. 19. cap. 13.] et Seneca: [Sic seruara nobilis fabula, et exemplum duarum vrbium. lib. 3. de beneficiis cap. 23.] vbi fabula pro historia intellexit; atque inter suluam Deorum Fabulinum Numen infantium habebant Gentiles, quod ita superstitiose appellabant, ex eo quia credebant ab eo infantium linguas ad fabulandum, seu loquendum disponi. Fabula etiam significat pactum, conuersio contractus. l. si quis sponsauerit. de sponsalibus, l. si dixerit. eo d. tit. et l. si quis peculium de eo, qui peculium. Ridicula quidem est Glossae expositio in can cum multa. dist. 86. vbi sic textus habet: [Sed post hoc peruenit ad nos (quod sine verecundia memorare non possumus) fraternitatem vestram grammaticam quibusdam exponere et c.] Ibi autem duas ineptias committit Glossator; prima enim, quod pro Grammatica fabulam intelligit: secunda, quod Exponere, praedicare in Ecclesia vertit; Sed textus clare loquitur, dum ait Quibusdam, ergo non publice in Ecclesia; sed priuatim docebat grammaticam ille, de quo agitur, et ex sequentibus texti verbis melius intelligitur; nam idem Episcopus, qui in hoc textu reprehenditur, nedum quia grammaticam quibusdam exponebat; sed etiam quia canebat, sic inquiens: [Et quam graue sit Episcopis canere, quod nec religioso conueniat, cosidera.] Sed canere in Ecclesia nec Episcopo nec Religioso dedecus esst; ergo de cantu profano, quod quidem haud in Ecclesia; sed in domo prinata, quibusdam audientibus, intelligitur illum exprobratum suisse. Anilis fabula. Vide Dicibulum.
FACELLA. facula. [Et mox tres facellae veluti stellae apparuerunt supra ipsorum corpora, quae furtim subtraximus, et abiuimus praecedentibus no coelestibus illis lucernis. In Actis S. Tharacii Martyris.
FACIALIS. sudarium; facialis dicitur a facie, a qua sudores et c. extergit. [Hic Sanctus vsque ad horam obitus sui nil lineum gustauit extra facialem. Pallad. in Lausiaca. cap. 1.] Ideo Facitergium etiam dicitur: [Acupicta numquam, nisi in mappulis, ac facitergiis, in quibus iusserit, fiant. in regulis S. Caesariae Virginis] FR. Mappula autem, et Facitergium stolam, seu mani pulsi non raro significant. Vide Mappula. Orarium.