CAMENA Early Modern Latin Texts

HIEROLEXICON SIVE SACRVM DICTIONARIVM AVCTORIBVS DOMINICO MACRO MELITENSI ET CAROLO EIVS FRATRE ROMAE Ex Off. Bernardoniana Sub Signo Virtutis Anno 1677 Superior [abbr.: Superiorum] permissu Et privilegiis

HIEROLEXICON, SIVE SACRVM DICTIONARIVM, IN QVO Ecclesiasticae voces, earumque Etymologiae, Origines, Symbola, Caeremoniae, Dubia, Barbara Vocabula, atque Sac. Scripturae, et SS. PP. Phrases Obscurae elucidantur. AVCTORIBVS DOMINICO MACRO MELITENSI, Olim Cath. Eccl. Viterb. Canonico Theol. Sac. Indicis Congregationis Consultore, Proton, Apost. Eq. Aurato, Com. Palat. ET CAROLO EIVS FRATRE Biblioth. Alexandrinae in Archigym. Vrbis Praefecto. OPVS Figuris ornatum, quod praecedit Index Criticus, ac subsequuntur SYLLABVS graecarum vocum exoticarum, de quibus in eo agitur, et CONTRADICTIONES APPARENTES Sac. Script. ab eodem DOMINICO conciliatae, et ex eius Schedis in hac tertia, et postuma impressione auctae. [gap: illustration] ROMAE, Sumptibus PONTII BERNARDON. Via Parionis sub signo Virtutis. M. DC. LXXVII. SVPERIORVM PERMISSV, ET PRIVILEGIIS.

FOETOROSVS. foetidus, [Qui [reading uncertain: print faded] foeterosis prandiis cadaueribus sacrificanc mortuorum. S. Zeno Serm. 49.] Vide Gaicero.

FOFFINGER. FR, campus, seu pratum, in quo foenum antea, vel herbae resecatae sint. l. nulli fit. de itineribus.

FOLDERPHIVM. FR. donum post mephium, seu donatio propter nuptias. l. si pater filiam. 2. de succession. Vide Mephium.

FOLLEO. inflor, a Follibus verbum deductum. [Omnis his cura de vestibus, si bene oleant, si pes laxa pelle non folleat. Hieronym. ad Eustoch.] FR. de eadem vanitate in calceis. Sidonius lib. 8. epist. 9. in contrario, scilicet, sen su, reprehendens: [Laxo pes natet in cothurno eleganter dixit. Quae pellis distensio a Latinis Tentipellium dicebacur. [Tentipellium Artorius putat esse calciamentum ferratum, quo pelles extenduntur, indeque Afranium dixisse in primo. Pro manibus credo habere ego illos Tentipellium. Titinium, ait Verrius, existimare id medicamentum esse, quo rugae extendantur, quam, dicat, Tentipellium inducitur, rugae in ore extenduntur.]:||: Apud Tertullianum legitur verbum frequentatiuum Follico: [Oscitans vescitur follicans ruminat. de pallio. cap. 3.] vbi de Camaleonte loquitur. Reperitur etiam verbum Follesco, id est, stolidus fio, ac vento plenus. Eius antithesim. Vide Inflabellatus.

FOLLERALIS. vilis monetae species, valoris vnius quadrantis. [Nummis quos Romani Teruntianos, Graeci Follerales vocant, Anastasius suo nomine figuratis placabilem plebi commutationem distraxit. Marcellin. in Chron.] Fortasse haec graecae monetae denominatio a dictione foli\s2 deriuatur, quae piscis squamam significat, a similitudine paruitatis nomine desumpto. Vnde Aug. lib. 22. de Ciuitate Dei cap. 8. ait: [Trecentis phollibus vendidit.] Melitenses Fallari antiqua numismata vocant. FR. diuersam tamen de Melitensium Fallari vocabulo opinionem affert Auctor Melitae Illustratae lib. 2. Notitia 4. pag. mihi 185. vbi de Phalaridis Agrigentini Tyranni cum Melitensibus amicitia, ac pecuniarum commodatione loquens, vt in epistolis, quae sub eius nomine cireumferuntur, ibi inter alia haec citatus Auctor habet: [Anzi che le medaglie, o antiche monete, che si ritronano tal'ora per la campagna, o in altri luo ghi, sono da Maltesi communemente chiamati Fallari, memoria forse rimasta da i danari da quello prestatigli; benche il Bosio dica, che i Maltesi altresi prestassero a lui ancora etc.] Quae tamen sicula moneta introducta postmodum fuit in Regno Neapolitano a Rogerio Siciliae. Rege, de quo sic Falco Beneuent. [Inter cetera enim suarum dispositionum edictum terribile induxit, torius Italiae partibus abh orrendum, et morti proximum, et egestati, scilicet, vt nemo in toto Regno viuentium romasinas accipiat, vel in mercatibus distribuat, et mortali consilio accepto, monetam suam introduxit; vnam vero, cui Ducatus nomen imposuit, octo romasinis valentem, quae magis, magisque aerea, quam argentea probata tenebatur. Induxit etiam tres follares aereos romasinam vnam appretiatos. In eius Chron. ad An. 1140.] Vide Romaninus.

FORALIS. Forensis. [Sicut studii nostri esse condecet a litigiis foralibus monachos submouere, vt diuinis monasteriis pie, ac sollerter inuigilent; ita necesse est nostra prouisione quemadmodum negotia eorum disponi debeant ordinare ne distenta mens per varias causarum curas defluat, et ad celebrandum opus consuetum, eneruata torpescat. D. Gregor. lib. 4. epist. 67.] Qui etiam epist. 62. sic inquit: [Causas enim praedictae feminae, siue sint, siue fuerint, nostro volumus iudicio terminari; vt foralis illi inquietitudo submoueri debeat, et tamen a iudicii iustitia nullatenus excusetur.] FR. [Nil de forali strepitu. Idem Gregor. In decretal. de praesumpt. cap. 2.] id est, de contentioso foro. Gloss. ibid.

FORAMINATVS. FR. perforatus: [Nauticis cuspibibus foraminato fundi glutino sordidaretur. Sidon. lib. 1. epist. 5.] vbi per verba Glutino fordidaretur, limum fluminis, qui nauticis contis commotus, coenosam reddit aquam intelligit.

FORANEVS. extrinsecus, quo foris expositum est: [Sicut ergo foranei lapides nullum debent habere nodum, aut angulum, nec debet esse alter lapis intus, alter foris; quia si sic fuerint, omne aedificium deturpant; sic et Clerici, senes, et viduae continentes, et virgines nullam debent habere maculam. Chrysost. hom. 40. in cap. 21. Matth.] Foraneus Vicarius. Vide Vicarius.

FORASTICVS. Alienus; accipitur etiam pro infideli, qui foris, et extra Ecclesiam reputatur. [Nam cum talibus, et cum paganis, et cum plebeia multitudine nostri labores, et pugnae forasticae videntur esse: intimae vero, quando de gremio matris Ecclesiae Presbyteri, vel Diaconus, Ecclesiasticus, vel Monachus discedit a fide, et veritate. S. Bonifacius Episc. Moguntinus, et Martyr. epist. 3.] FR. in eodem proposito D. August. hom. de poenit. i Gratiani decret. can. multi corriguntur. 2. quaest. 1. ait: [Quid enim mihi de iis, qui foris sunt iudicare.] Vbi Glossa exponit. [Foris, id est, non nostri iuris.