14 February 2004 Ruediger Niehl
text typed (without italics) - structural tagging completed - no semantic tagging - no spell check - Could not identify errata-list item: 548. 1. lin. 46. stadium
06/2006; 12/2006; 02/2011 Cornelius Amberger; Bernhard Hollick; Reinhard Gruhl
spell check partially performed; the special sign ||: (resp. [erroneously?] ||. ) inserted (see the explanation of the printer: page 18)


image: s001

HIEROLEXICON, SIVE SACRVM DICTIONARIVM,



image: s002

[gap: blank space]

image: s003

HIEROLEXICON SIVE SACRVM DICTIONARIVM AVCTORIBVS DOMINICO MACRO MELITENSI ET CAROLO EIVS FRATRE ROMAE Ex Off. Bernardoniana Sub Signo Virtutis Anno 1677 Superior [abbr.: Superiorum] permissu Et privilegiis



image: s004

[gap: blank space]

image: s005

HIEROLEXICON, SIVE SACRVM DICTIONARIVM, IN QVO Ecclesiasticae voces, earumque Etymologiae, Origines, Symbola, Caeremoniae, Dubia, Barbara Vocabula, atque Sac. Scripturae, et SS. PP. Phrases Obscurae elucidantur. AVCTORIBVS DOMINICO MACRO MELITENSI, Olim Cath. Eccl. Viterb. Canonico Theol. Sac. Indicis Congregationis Consultore, Proton, Apost. Eq. Aurato, Com. Palat. ET CAROLO EIVS FRATRE Biblioth. Alexandrinae in Archigym. Vrbis Praefecto. OPVS Figuris ornatum, quod praecedit Index Criticus, ac subsequuntur SYLLABVS graecarum vocum exoticarum, de quibus in eo agitur, et CONTRADICTIONES APPARENTES Sac. Script. ab eodem DOMINICO conciliatae, et ex eius Schedis in hac tertia, et postuma impressione auctae. [gap: illustration] ROMAE, Sumptibus PONTII BERNARDON. Via Parionis sub signo Virtutis. M. DC. LXXVII. SVPERIORVM PERMISSV, ET PRIVILEGIIS.



image: s006

[gap: praeliminaria]

page 327, image: s359

IMPLORANS. Vide Sperans.

IMPONERE MANVS, ordinis Sacramentum conterre. [Hos statuerunt ante conspectum Apostolorum, et orantes imposuerunt eis manus. Actor. 6. Tunc ieiunantes, et orantes, imponentesque manus dimiserunt. Ibid. cap. 13. Manus cito ne imposuerit. 1. ad Timoth. cap. 5.] De quo saepe in Conciliis, et penes [orig: penęs] Sanctos Patres.

IMPOSTOR. FR. nedum deceptor dicebatur; sed etiam qui pallio super tunicam induebatur. V. Christianus.

IMPOSTVROR. calumnior. [Alienis a Beato Gregorio verbis imposturati. Hincmar. Rhemen. cap. 15.

IMPOTVS. insitus. [Si quis impotos de melario, aut de piratio tulcrit. In l. Salica tit. 29. §. 8.] Vox belgica Impoten.

IMPRESSIO. Vide Coinus.

IMPRISIVS. FR. Vir strenuus, seu estimabilis, ex gallica voce Prix, id est, pretium. [Videntes igitur magnates moram trahere periculum, iusserunt districte [orig: districtę] toti familiae suae, et omnibus suis imprisiis ad arma, et equos celeriter auolare. Maeth. Paris. Ann. 1258.

IMPVDERATVS. absque pudore. [De impuderato patre vestro diabolo. Lucifer Caralitanus. aduers. Const. Imp.

IMPVTRIBILIS. FR. immarcescibilis. S. Paulinus Nolanus Episc. epist. 2.

INADIBILIS. inaccessibilis. [Siquidem sane circa principia sui solo plaustri voraginatus, et vestigio inspectoris inadibilis est. Sidon. lib. 2. epist. 28.

INADVERTENTIA. Vide Irrecogitatio.

INAEQVALITAS. aliquando pro febri sumitur, exeo quia temperamentum corporis soleat subuertere, seu ab inaequalitate pulsationis arteriae. [Paulatimque inaequalit ate vexatus, cursum vitae praesentis explicauit. in vita S. Eugendi Abb.

INALPHABETI. ita vocabantur Fratres de plumbo, de quibus in dict. Bulla.

INALTARO. FR. consecro, dedico, ac Ecclesiae dono. [Diaconiam Romae, quam S. Mariae in Cosmodin vulgariter nuncupant, sibi Cardinali Diacono a Domno Papa Paschali commissam, in auro, vel argento, in libris, seu paramentis, in domibus innumeris, in fundis, atque casalibus, in Religione praecipue, in quantum Roma patitur, super omnes alias inaltarauit. In vita Gelasii Papae a Pandulpho Pisano scripta, atque per D. Constantinum Caietanum, typis mandata.

INALTERO. confundo terminos ex inscientia distinguendi. [Diuisa est mulier, et virgo: igitur, quas non diuisit. tacendo inalterauit. Tertullian. de Virg. velan. cap.4.

INANIMALIS. inanimatus. [Omnia denique mouentur; aut a semetipsis, vt animalia, aut ab aliis, vt inanimalia. Tertull. aduers. Hermog. cap. 36.] Vbi etiam habet Incorporale, id est, incorporeum.

IN ANTEA, in posterum. [Capitula praenotaui, vt facilius a querenti in antea scripta reperian. tur. Marcult. in praefat. formul

INAVDIENTIA. inobedientia. [Perniciem sibi, et morte per inaudientiam, et intemper antiam. prouocent. S. Cyprian. epist. 27.] id est, peccatores.

INAVGVRATIO. Vide Polycronion.

INAVRIS. FR. ornamentum, quod pendet ab aure. [Exsecranda autem est superstitio ligaturarum, in quibus etiam inaures virorum in summis ex vna parte auriculis suspensae deputantur, superstitiosa res est. can. Fucare. de consecr. dist. 5.

INCANTATIO. Vide Ensalmus. Rapsodomantia.

INCANTATOR. V. Caragus. Hydromantia. Obligator. Remediator. Incantatrix Vide Incarminatrix.

IN CAPILLO. Virgo sub patria potestate adhuc posita, quia tunc in capillis Virgines incedebant, et e contra nuptae velo capillos tegebant. [Qui filiam in casa habuerit in capillo. Longobar. constit. lib. 2. cap. 24.] Vel ita dicitur, quia Virgo in primis nuptiis capite detecto comparebat, quod ab Optato Mileuitano contra Donatistas scribente, insinuari videtur, dum inquit: [Inuenistis huiusmodi virgines, quae iam spiritualiter nupserunt, quasi secundo coegistis ad nuptias, vt crines iterum soluerent imperastis.] Qui sequitur deinde, ostendens, quod viduae trauseuntes ad secundas nuptias, has caeremonias minime adhibebant, inquiens: [Hoc nec mulieres patiuntur, quae carnaliter nubunt, ex quibus si alicui maritum mutare contigerit, non reperitur illa temporalis festiuitas.] IN instrumentis, et contractibus matrimonialibus adhuc hic stylus, et modus loquendi viget in Sicilia, et Filiam in capillo virginem nubentem nominant. In Melita insula mea patria rigorose praeceptum eorum Praeceptoris, et Gentium Doctoris obseruatur, qui feminis capita velare iusserat; ideo in quolibet statu velatae incedunt, et tantum in die desponsationis Sponsa capillos demonstrat. Hebraeorum virgines capite detecto incedunt; sed nuptis numquam permittitur proprios capillos ostendere, et ad ornatum supposititios applicant. Vide Soror in capillo.

INCARDINO. verbum D. Gregorio frequentissimum significat immittere in possessionem, in Episcopum, Sacerdotem, vel in aliam dignitatem ordinare. FR. Sed proprie Cardinalem creare denotat. [Propterea te Ioannem ab hostibus captiuatum, Lesmianae Ciuitatis Episcopum, in Squilitana Ecclesia Cardinalem necesse duximus constituere Sacerdotem.] Et inferius: [Sin autem praedicta Ciuitas continua captiuitatis calamitate premitur; in hac, in qua a nobis ordinatus ex, vel incardinatus, debeas Ecclesia permanere. can. pastoralis. 7. qu. I.] Vbi Glossa Cardinalem Ecclesiae Squilitanae Episcopum intelligit.