CAMENA Early Modern Latin Texts

HIEROLEXICON SIVE SACRVM DICTIONARIVM AVCTORIBVS DOMINICO MACRO MELITENSI ET CAROLO EIVS FRATRE ROMAE Ex Off. Bernardoniana Sub Signo Virtutis Anno 1677 Superior [abbr.: Superiorum] permissu Et privilegiis

HIEROLEXICON, SIVE SACRVM DICTIONARIVM, IN QVO Ecclesiasticae voces, earumque Etymologiae, Origines, Symbola, Caeremoniae, Dubia, Barbara Vocabula, atque Sac. Scripturae et SS. PP. Phrases Obscurae elucidantur. AVCTORIBVS DOMINICO MACRO MELITENSI, Olim Cath. Eccl. Viterb. Canonico Theol. Sac. Indicis Congregationis Consultore, Proton. Apost. Eq. Aurato, Com. Palat. ET CAROLO EIVS FRATRE Biblioth. Alexandrinae in Archigym. Vrbis Praefecto. OPVS Figuris ornatum, quod praecedit Index Criticus, ac subsequuntur SYLLABVS graecarum vocum exoticarum, de quibus in eo agitur, et CONTRADICTIONES APPARENTES Sac. Script. ab eodem DOMINICO conciliatae, et ex eius Schedis in hac tertia, et postuma impressione auctae. PARS SECVNDA. [gap: illustration] ROMAE, Sumptibus PONTII BERNARDON Via Parionis, sub signo Virtutis. M. DC. LXXVII. SVPERIORVM PERMISSV, ET PRIVILEGIIS.

PANDOXIS. FR. Luna dicitur, pandoxi/s2 a platone appellata, quod totius generatione susceptrix esset.

PANDOXO. FR. emere aliquid ab hoste. [Salliat Abbas carnes, quas mactauit, ne putrescant, et vendat ceruisiam, quam pandoxanit, ne acescat, et panes, quos pinsuit, ne indurescant. Thom. Valsingamus in Richar. II.] pa/ndoc enim Graeci hostem appellant, ideo hic Abbas reprehenditur, quod ab hoste cernisiam emerat. Item Pandoxo laudare significat; nam Rethor Caupona icitur. Vide Caupona. Vide etiam Chil. Erasmi. Hinc *pandouei/s2 genus musici instrumenti, quo laudes alicuius canuntur Vnde pandurus, et Pandurisies, qui pandura, instrumento canit. Item significat etiam cultrum cauponae.

PANDVRIZO. panduram pulso. [pandurizauit, organo modulatus est. Lamprid. in Heliogab.

PANEGYRIS. FR. panh/guris2, nundinae, emporium, publicus conuentus, quales quolibet lustro Athenis celebrari solitos fuisse Herodot. lib. 6. scribit Cicero. 1. Tusc. quaest. mercatum inter pretatur; eodem vocabulo panhgueis2 vsi sunt San ctus proclus Orat. 1. in laudem B. Mariae Virg. et D. Greg. Nazian. in Cat. de vita sua, quorum Interpretes emporium, et nundinas vertunt. Et panhguirkoi\ lo/goi, id est, panegyricae orationes.

PANETARIA. Refectorium Monachorum. Item locus in Lateranensi palatio, vbi feria V. in Cena Domini papa comedebat. [Vadit ab Basilicam Zachariae, quae panetaria diebus his nuncupatur. Cencius Camerar. in suo M. S. Caerem.] Tempore vero Benedicti Canonici Vaticanae Basil. papa in hac die ad Basilicam S. Theodori comedebat; sic enim in eius M. S. Caeremon. quod in Biblioth. Angelica de Vrbe conseruatur, habet: [Quibus finitis vadunt ad Cenam in Basilicam Sancti Theodori, quae est panetaria.

PANHARMONIVM. FR. suauis harmonia, plena, et omnibus numeris absoluta. Suidas.

PANICOCTARIA. Panifica, Pistrix, quae panem coquit. [In manu panicoctariae mulieris regni sui inuenit, et format exemplum. Chrysol. serm. 166.

PANIFICVS IMBER, appellata est manna a Chrysol. quae Israeliticis pluebat. Vide Escatilis plauia.

PANNVCVLA. tumor, seu plaga. [Vnde morbus pannucula dictus, et conunlsum est femur illius. In vita S. Simeonis Stylitae.] Aliqui putant esse gracum vocabulum panou=kla, at equidem. tale nomen adhuc non inueni. FR Panum apud plin. crebro inuenio. [Panos sanat, et cicatricibus colorem reddit. lib. 20. cap. 1. Sanat et alia vulnera etc. sic et omnes tumores, collectionesque cum melle, et vua pasia. panos vero ex aceto tritum. Ibidem. cap 20] et lib. 21. cap. 20. agens de Nardo gallico, inquit: [Struma haec, vel panos, vel inguina discurrit.] Item lib. 22. cap. 8. vbi de herba centumcapita, ait: [Extrahit infixa corpori cum melle strumas paroti. das, panos recedentibus ab offibus, etc.] Si ex ossibus, hulcus gummosus ergo est Panus, et non tumor, ex quo formatur diminutiuum nomen Panuculus, et mendose Pannuculus.

PANORMVM; ex graeco *pa/normon, id est, vniuersale receptaculum. Ibi fuisse Barbicanam Ecclesiam. Vide Deputatus in poenitentiam. In ea regione obiit S. Rosolea Vide Roracia.

PANOTII. Scithae populi, ex longis auribus ita appellati, vt ex vocabulo colligitur, pa=n, enim totum graece significat, w)/ta aures. Ita Isidorus. Denotat item hominem ingentibus auribus praeditum. FR. Si per Panotios pannones intelligantur Herodotus lib. 1. ait Pannones ex Ioniae oriundos. Hinc Paniones duodecim ex Ionia ciuitates dicebantur a Pan, et Iones, quia Panos Deus ab eis colebatur, et Plin. lib. 4. cap. 13. ait: [Aliae in quibus equinis pedibus nascantur, Hippopodes appellati. Fanesiorum aliae, (Panotiorum corrigit Turnebus,) in quibus nuda alioquin corpora praegrandes ipsorum aures tota contegunt.] At Pomponius Mela cap. 6. de Hispaniae, et Septentrionis Insulis inquit: [Esse equinis pedibus Hippopodas, et Stamalos, quibus magnae aures, et ad ambiendum corpus omne patulae, nudis alioqui pro veste sint, praeterquamquod fabulis traditur; auctores etiam, quod sequi non pigeat, inuentio.] Quibus similes in India esse scribit lib. 15. Strabo, qui Enotocoeti vocantur, quod auribus pro strato quoque, cum dormiunt, vtantur, ex graecis vocibus nomen compositum e)n, id est, in, w)/ta aures, koi=tos2 somnus, quasi dicas in auribus somnum capientes. Ita placuit Graecis fabulandi licentiam in remotissima quaeque detorquere: [Longinquitas enim non facile redargui potest.] vt idem Strabo lib. 11. ait.

PANSELENOS. *panse/lhnos2, id est, tota luna, seu plenilunium. [Cum fuisset luna panselenos. Matth. Paris. in vita Abb.

PANTHEON. FR. *pa/nqeon, omnium Deotum, Templum, Romae a M. Agrippa erectum, in quo omnes Dii colebantur, et a Bonifatio Papa IV. in omnium Sanctorum honorem an. 610. consecratum. Quod S. Mariae ad Martyres vulgo La Rotonda hodie dicitur. Licet Templum Sanctae Mariae in Cosmedin. et S. Mariae ad Martyres teste Martinello in sua Roma sacra etiam diceretur.