CAMENA Early Modern Latin Texts

JOH. MICRAELII LEXICON PHILOSOPHICUM TERMINORUM PHILOSOPHIS USITATORUM ORDINE ALPHABETICO SIC DIGESTORUM, UT INDE FACILE LICEAT COGNOSSE, PRAESERTIM SI TAM LATINUS, QVAM GRAECUS INDEX PRAEMISSUS NON NEGLIGATUR, QVID IN SINGULIS DISCIPLINIS QVOMODO SIT DISTINGVENDUM ET DEFINIENDUM. Editio Secunda ab ipso Authore Correcta et Aucta cum novis novorum Terminorum et Vocabulorum Indicibus. [gap: illustration] STETINI, impensis JEREMIAE MAMPHRASII, Bibliop. Typis MICHAELIS HÖPFNERI, anno CIC ICC LXI.

Dodecaedrum est figura solida sub XII. pentagonis aeqvalibus et aeqvilateris et aeqvangulis contenta: ut si in Figura XXIII. ex XII. his pentagonis, i k l m n c o p r s t u rite inter se complicatis disponatur Dodecaedrum [orig: Dodecaëdrum], secundum totam soliditatem.

Icosaëdrum est figura solida sub XX. triangulis aeqvalibus et aeqvilateris contenta, ut solidi anguli in vertice coeant: ut, si in Figura XXV. ex aliqva materia conficiantur viginti triangula, abcdefg hiklmnopqrstu, inde Ieosaedrum secundum totam soliditatem constituatur.

Sphaera [1], est, cum semicirculi, manente diametro, citcumductus semicirculus in seipsum rursus revolvitur, unde moveri coeperat, reassumta figura: gibbum scilicet corpus rotundum, qvod dicitur alias Glo bus, una superficie contentus, ad qvam a [orig: à] centro cadentes omnes lineae inter se sunt aeqvales: qvalis est A in Figura XXV.

Conus comprehenditur a [orig: à] conica superficie: et fit conversione rectanguli trianguli, manente altero crure circa rectum angulum estque vel orthogonius, ut in XXVI. Figura A BCD in qvo qviescens recta linea aeqvalis est reliqvae, qvae circa rectum angulum convertiturt vel amblygonius, ut in XXVII. Figura EF GH, in qvo qviescens linea est minor: vel oxygonius, ut in Figura XXVIII. IKLM, in qvo eadem est major. Conicae linsae qvid sint, Vid. Conus.

Cylindrus comprehenditur cylindracea superficie et oppositis basibus, et constituitur conversione parallelogrammi rectanguli, altero latere qviescente ut, si rectangulum parallelogrammum in XXIX. Figura, NOPQ, circa latus qviescens NO circumvolvatur, donec integram expleat revolutionem, appellabitur figura descripta Cylindrus, qvalis est QRSP.

CORRUPTIBILE, dia/fqoron, est, cui non repugnat mutabile, et cui opponitur incorruptibile, a)dia/fqoron.

Corruptibile est tale vel intrinsece vel extrinsece. Intrinsece qvod ex illis est compositum in qvae resolvi potest, ut omne corpus sub luna. Extrinsece corruptibile est, qvod quidem non mutatur per se; mutari tamen potest ab agento potentiore voluntario. Sic etiam coeli respectu Dei sunt cortuptibiles.

Corruptio fqora\, physicis mutatio est ab esse ad non esse. Ubi notetur regula: Genemtio unius est corruptio alterius.

Corruptio est vel sabstantialis, vel accidentalis. vel totalis, vel partialis. vel natumlis vel violenta. vel simplicium, vel mixtorum.

Corruptio mixtorum, in qva mixtum resolvitur in sua minima, dicitur putredo seu putrefactio, cum nempe debita humidi et sicci permixtio ulterius sub naturali calore non consistit, sed calor ambiens calorem naturalem debilitat et interimit: qvo facto humida et sicca separantur. Vid. Putredo.

Corrumpens est causa, qvae interimit rem. Unde regula: Si, qvod corrumpitur, bonum est; malum est, qvod corrumpit: Sin malum est, qvod corrumpitur; bonum est corrumpens.

Cosmologia est pars physicae, tractans de mundo, tanqvam compage seu systemate ex coelo et terra, iisque qvae in illis continentur, concinnato.

Cosmographia est scientia mathematica, continens generaliora astronomiae et geometriae: adeoque scientia sphaerae mundi, corporis nempe illius rotundi, qvod coelum et terram continet: in qvo indagat qvantitatem, figuram, sphaericam, situm partium, hemisphaerium superius et inferius, partem anteriotem seu oecidentem, posteriorem seu orientem, dexteram seu septentrionem, sinistram seu meridionalem, qvatuor item cardines seu plagas, totidem qvadrantes, longitudinem ab occidente versus orientem, latitutudinem a [orig: à] septentrione versus meridiem, item, varios circulos, corumque axes, polos et circumferentias.

*kosmhtikh\, Cosmetica, ars ornatoria, qvae naturalem corporis pulcritudinem custodit et tuetur, neque qvicqvam adscititium invehit.

COSSA est species arithmeticae veros numeros per fictos indagans. Vid. Algebra.

Costarum utrinque sunt XII. earumque aliae verae, ut septem superiores, qvae sterno immediate inarticulantur; reliqvae spuriae et molliores, eo loco ubi ventris est dilatatatio. Hae immediate cartilagine inarticulantur sterno pro dilatatione abdominis.

COTYLEDONES, ora venarum et arteriarum intra uterum eminentia et protuberantia praecipue in brutis conspicua. Dicuntur etiam uteri acetabulae.

CRAMA est mixtum ex diversis rebus earumque formis, oratoribus dicitur laus vituperio mixta.